Ana səhifə Planet |
Ötən gün Türkiyədə İstanbulun Atatürk Hava Limanında terror aktı nəticəsində həlak olanlardan biri də Ukrayna vətəndaşı, 47 yaşlı Larisa Çepakova olub.
Axar.az xəbər verir ki, Ukrayna mediası Çepakovanın bioqrafiyasına xüsusi diqqət ayırıb.
Qeyd edilir ki, Çepakova ölümündən bir müddət öncə qızını itirib. Qızının ölümündən 1 il öncə isə oğlundan məhrum olmuşdu.
"O, qızını mələk adlandırırdı, ölümündən sonra yazırdı ki, bu dünyada qalmaq çətindir, yalnız nəfəs alırdı. Yaşamaq üçün sərgilərə, dənizə gedirdi", - bu sözləri Çepakovanın rəfiqəsi Ukrayna mediasına açıqlamasında bildirib.
Çepakova əvvəllər insanlara lazım olan əşyaları toplamağa yardım edirdi. Kiminsə evi yanırdısa, ona kömək əlini uzadırdı.
Ötən gün isə Larisa evinə oğlu və əri ilə qayıdırdı. Özü bu dünyadan köçsə də, oğlu və əri teraktdan zərər görmədilər. Hazırda onlar İstanbulda Larisanın meyitini Ukraynaya aparmaq üçün gözləyirlər.
Qeyd edək ki, ötən gün İstanbulda baş verən terakt nəticəsində 41 nəfər həyatını itirib, 200-dən çox insan isə yaralanıb.
Tarix
2016.06.30 / 01:00
|
Müəllif
Pərviz Həsənov
|