Ermənistan Parlamenti Rusiya ilə birgə raketdən müdafiə regional sisteminin yaradılması razılaşmasını ratifikasiya edib.

Axar.az xəbər verir ki, bu barədə informasiyanı Rusiya mətbuatı yayıb. Parlamentdə razılaşmanın lehinə 102, əleyhinə isə 8 deputat səs verib.

Qeyd edək ki, Ermənistanla Rusiyanın vahid raketdən müdafiə sisteminin komandanlığı Rusiya Hərbi Kosmik Qüvvələrinin, ümumi idarəetməsi isə Cənub Hərbi Dairəsinin rəhbərliyində olacaq. İrəvan və Moskva arasında bu məsələ ilə bağlı razılaşma 2015-ci ilin dekabrında imzalanıb. Müqavilənin müddəti 5 ildir və bu müddətdən sonra tərəflərin razılığı ilə artırıla bilər.