Qondarma Cənubi Osetiya respublikası yaxın zamanlarda Moskva ilə öz hərbçilərinin Rusiya ordusunda xidmət etməsi üçün müqavilə imzalayacaq.

Axar.az xəbər verir ki, bunu Rusiya mətbuatına müsahibəsində qondarma rejimin "müdafiə naziri" İbrahim Qasayev söyləyib. Onun sözlərinə görə, artıq razılaşma ilə bağlı yekun işlər aparılır.

Qeyd edək ki, Cənubi Osetiya Gürcüstan ərazisidir. Bu ərazi 2008-ci ildə baş verən Gürcüstan-Rusiya savaşı nəticəsində Moskvanın aktiv dəstəyi ilə Tiflisin nəzarətindən çıxıb. Rusiya qondarma Cənubi Osetiyanın "müstəqilliyini" məhz bu il tanıyıb. Bundan sonra tərəflər arasında müttəfiqliklə bağlı razılaşma imzalanıb. Rusiya bununla da qondarma rejimi tam olaraq himayəsinə götürüb.