Breksitdən sonra dünya maliyyə bazarlarında baş verənlər 2007-2008-ci illərdəki dünya maliyyə böhranı zamanı yaranan situasiyanı təkrar etdi.

Axar.az xəbər verir ki, bunu Avropa Parlamentində çıxışı zamanı amerikalı milyarder Corc Soros söyləyib. Onun sözlərinə görə, Breksitdən öncə böhran yavaş templə yayılırdı, amma bundan sonra neqativ tendensiyalar sürətlənəcək:

"Bundan sonra deflyasiya göstəriciləri də güclənəcək. Avropa bank sistemi maliyyə böhranının öhdəsindən gəlmədi və bundan sonra onu ciddi sınaqlar gözləyir. Funt sterlinq dəyər itirib, Şotlandiya isə Birləşmiş Krallığın tərkibindən çıxmaq istəyir. Artıq Avropa Birliyindən çıxmaq istəyənlərin çoxu anlamağa başlayıblar ki, onları xoşagəlməz gələcək, AB-ni yeni tənəzzül gözləyir".