Biz Birləşmiş Krallıq ölkələrinin Avropa Birliyi ilə bundan sonrakı danışıqlarının əleyhdarıyıq.

Axar.az xəbər verir ki, bunu jurnalistlərə açıqlamasında İspaniya Baş naziri Mariano Raxoy söyləyib.

Onun sözlərinə görə, İspaniya bundan sonra da yalnız Böyük Britaniya ilə danışıqlar aparacaq.

Qeyd edək ki, İspaniya baş nazirinin bu tələbini artıq Fransa Prezidenti Fransua Olland da dəstəkləyib.

Şotlandiya Böyük Britaniyada Breksitin qələbəsinin əleyhinə çıxıb. Rəsmi Edinburq AB-dən çıxmaq istəmədiyini və hətta bunun üçün müstəqilliklə bağlı referendum keçirəcəyini də açıqlayıb. Artıq Avropa Komissiyası ilə Şotlandiya rəsmiləri arasında danışıqlar başlayıb.