Bu gün ölkəmizdə partlayan bombalar sabah mütləq onları ölkəmizə göndərənlərin əlində işə düşəcək.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan Osmanqazi körpüsünün açılışı zamanı çıxışında deyib.

"PKK, İŞİD və YPG hər biri müxtəlif istiqamətlərdən ölkəmizə qarşı hücuma keçir. Bəlli dairələr tərəfindən idarə edilən bu qruplaşmaları ölkəmizin üzərinə salanları çox yaxşı tanıyırıq. Nə qədər qan töksələr də, Türkiyə diz çökməyəcək. Onlar da bunu çox yaxşı dərk edirlər. Nə dərəcədə səhv etdiklərini cənub-şərq bölgəmizdə apardıqları xəndək siyasətində gördülər. Terror özünü sancan əqrəb kimidir. Çünki mahiyyəti budur", - Ərdoğan bildirib.