Ana səhifə Avto |
Formula-1 Azərbaycan Qran Prisinin keçirilməsi üçün 780 tondan çox yük Bakıya gətirilib.
Heydər Əliyev Beynəlxalq Aeroportunun mətbuat xidmətindən Axar.az-a verilən məlumata görə, yarışlar çərçivəsində Bakıya yarış bolidləri, onlara xidmət üçün və yarışların təşkili üçün lazım olan avadanlıq da daxil olmaqla, 780 tondan çox yük Şanxay, Sinqapur və Bəhreyndən 8 reyslə gətirilib. Daha bir reys bu həftə yerinə yetiriləcək.
Yüklərin böyük hissəsi Azərbaycanın “Silk Way West Airlines” aviaşirkəti tərəfindən daşınıb.
2018 Formula-1 Azərbaycan Qran Prisinin başlamasına kimi ümumilikdə 800 tondan çox yükün gətirilməsi planlaşdırılır.
Bolidlərin təkərləri daimi +20 dərəcə temperaturun saxlanıldığı xüsusi konteynerlərdə daşınır.
Qeyd edək ki, Azərbaycan Qran-Prisi 2018-ci il aprelin 27-dən 29-dək keçiriləcək. Yarışlar qədim İçərişəhər, şəhərin müasir hissəsinin siluetləri və Xəzər dənizinin sahili mənzərəsi fonunda baş tutacaq.
Tarix
2018.04.24 / 16:57
|
Müəllif
Bayan Nigar
|