Ana səhifə Avto |
Bir çox dövlət qurumları balansında olan istifadəsiz qalmış avtomobilləri satışa çıxarıb.
Axar.az xəbər verir ki, bu məqsədlə Əmlak Məsələləri Dövlət Komitəsi 25 sentyabr tarixində hərrac təşkil edəcək. Hərraca ümumilikdə 3 dövlət qurumunun 7 avtomobili təqdim edilib.
Milli Məclis özəlləşdirmə üçün 1, Nəqliyyat, Rabitə və Yüksək Texnologiyalar Nazirliyinin ləğv edilmiş Şuşa Avtonəqliyyat Müəssisəsi 4, Baş prokurorluq isə 2 avtomobil müəyyən edib.
Hərraca təqdim edilən avtomobillərdən start qiyməti ən ucuz olanı Milli Məclisin satmaq istədiyi QAZ-31029 markalı 1995-ci ilin avtomobilidir ki, qiyməti cəmi 800-dır.
Start qiyməti ən baha olan avtomobil isə Nəqliyyat, Rabitə və Yüksək Texnologiyalar Nazirliyinin ləğv edilmiş Şuşa Avtonəqliyyat Müəssisəsinə məxsus Kamaz-55111 markalı 1989-ci ilə aid maşınıdır. Maşın üçün müəyyən edilən ilkin start qiyməti 3500 manatdır.
Tarix
2018.08.25 / 09:39
|
Müəllif
Nigar İxtiyarqızı
|