Ana səhifə Avto |
Soydaşlarımız asan yolla sürücülük vəsiqəsi əldə etmək üçün Gürcüstana üz tuturlar.
Azərbaycanlılar Gürcüstanda sürücülük vəsiqəsi almağın yeni
yolunu tapıblar. Bu barədə Gürcüstanda yaşayan soydaşlarımız
Avtosfer.az saytına məlumat veriblər. Bildirilir ki, yeni yol
işarələrnin adlarını və nə olduğunu bilməyənlər sualın 4 cavabı
üzrə qısa müddətdə hazırlıq keçib vəsiqəni əldə edə bilirlər. Bunun
üçün isə xüsusi müəllimlər var və onlar sürücülük vəsiqəsi almaq
istəyənləri bir neçə gün ərzində hazırlaşdırıb imtahana göndərir.
Yəni, vəsiqə saxta yolla alınmır. Sadəcə, çox asan üsulla vəsiqə
əldə etmək mümkündür.
Maraqlısı budur ki, müəllimlər vəsiqə almaq istəyənləri
hazırlaşdırarkən meyvə-tərəvəz adlarından istifadə etməklə sualın
şifrəli cavabını öyrədir: "Sualların 4 cavab variantı olur. Onların
düzgün olan variantını baş hərflərə uyğun, meyvə-tərəvəz
adlarındaan isdifadə etməklə uşaqlara öyrədirlər. Onlar da bir
həftəyə sürücülük vəsiqəsi alıb Azərbaycana maşın sürməyə
gedirlər".
Soydaşlarımız bildirirlər ki, müəllimlərin hazırlıq kursu təxminən 4 gün çəkir. Bütün proses şifrəli sual-cavab sistemi ilə həyata keçirilir: "Son vaxtlar Azərbaycandan Gürcüstana axın başlayıb. Hamı sürücülük vəsiqəsi almağa gəlir. Çünki Gürcüstanda alınan vəsiqələri bütün dünya qəbul edir".
Tarix
2014.12.16 / 15:10
|
Müəllif
Axar.az
|