Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
22 İyul 2018


Nizami Gəncəvi "farsdilli şair" adlana bilməz? - Açıqlama

Ana səhifə Kult Ədəbiyyat
12 Punto 14 Punto 16 Punto 18 Punto

Məktəb və ofis ləvazimatlarının istehsalı və satışı ilə məşğul olan “Oyal” şirkəti tərəfindən təqdim olunan ibtidai siniflər üçün nəzərdə tutulan dəftərlərin üstündə dahi Azərbaycan şairi Nizami Gəncəvi “fars ədəbiyyatının nümayəndəsi” və “farsdilli şair” kimi göstərilməsi ilə bağlı mübahisələrə ziyalılar da münasibət bildirib.

Kult.az xəbər verir ki, millət vəkili Fazil Mustafa bu və ya digər səbəbdən başqa dildə yazmış yazarın əsərlərinin mənsub olduğu xalqın ruhunu, mifologiyasını, məişətini yazdığı dilə köçürdüyü halda həmin yazarın təmsil etdiyi xalqa məxsus olduğunu vurğulayıb. O qeyd edib ki, bizim ədəbiyyata baxışımızda dil amili önəmlidir:

“Ancaq yetərli deyil. Bir yazarın ana dilində yazması onun həmin dilin daşıyıcısı olan xalqa aidliyi üçün ən birinci şərtdir. Ancaq hazırda dünyada öz ana dilindən başqa dildə yazanlar da çoxdur. Məsələn, Çingiz Aytmatov. Rusca yazıb, ancaq bütün əsərləri qırğız ruhunun tərcüməsidir. Demək qırğız yazarıdır. Digər bir tanış nümunə isə Çingiz Hüseynovdur. Azərbaycan məişətini və xarakterini rus dilindəki əsərləri vasitəsi ilə təqdim edib. Heç şübhəsiz Azərbaycan yazarıdır. Eləcə də Məhəmməd Əsəd bəy. Əksər əsərləri Azərbaycan mühitinin və xarakterinin almanca tanıtımıdır. Azərbaycan yazarıdır”.

Filologiya üzrə fəlsəfə doktoru Vurğun Əyyub da Nizami Gəncəvinin Azərbaycan şairi olduğunu vurğulayıb:

“Nizami Azərbaycan şairidir, türkdür (özü bunu dəfələrlə deyib), amma farsca yazdığı üçün farsdilli ədəbiyyatın nümayəndəsidir”.

V.Əyyub bildirib ki, ədəbiyyatın hansı dildə yazılması vacibdir:

“Ədəbiyyatın əsas silahı dil olduğu üçün hansı dildə yazmağın əhəmiyyəti böyükdür. Bilirəm ki, bu çox mübahisəli məsələdir. Bir millətə mənsub olub başqa dildə yazan ədiblər çoxdur, onların hamısını vahid meyarla qiymətləndirmək çətindir. Məsələn, Çingiz Abdullayev rus dilində yazır, amma Azərbaycan yazıçısı hesab olunur. Onu da deyim ki, Nizaminin türkcə əsərləri olmuş olsaydı, təbii ki, bu bizə daha böyük şərəf verərdi. Amma farsca yazması onun türklüyünə, azərbaycanlı olmağına və dahiliyinə kölgə sala bilməz.

Nizaminin bütün əsərlərində türkçülük ruhu aparıcıdır. Amma bir gerçək də var ki, dil ruhun əsas daşıyıcısıdır”.

Qeyd edək ki, mübahisəyə səbəb “Oyal” şirkəti tərəfindən təqdim olunan ibtidai siniflər üçün nəzərdə tutulan dəftərlərin üstündə dahi Azərbaycan şairi Nizami Gəncəvi “fars ədəbiyyatının nümayəndəsi” və “farsdilli şair” kimi göstərilməsidir.

Tarix
2017.10.10 / 23:18
Müəllif
Firuzə, Aytac
Şərhlər
Загрузка...
Digər xəbərlər

Bunlar şahidi olduğum, yaşadıqlarımdır... - Millət vəkili

Çağdaş tribunu: “Kim ağlayır” - Video

Nasirimiz Rusiya Yazıçılar İttifaqının üzvü oldu - Foto

Müasir dövrün tələbi: Təbii üsulla müalicə - Foto

Əli Həsənovun kitabı tacik və rus dillərində çap olundu

Bakıda 13 illik layihə reallaşdı: mühüm addım - Foto

Artıq bu sahə də Kamal Abdullanın adı ilə bağlıdır

“Qanun”dan yeni nə var?

“İmadəddin Nəsimi: İraq divanı” təqdim edildi – Foto

Azərbaycanda ilk: Kamal Abdulladan mühüm addım - Foto

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla