Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
27 May 2018


Rusiya arxivində Aşıq Ələsgər müəmması - Qalmaqal

Ana səhifə Kult Ədəbiyyat
12 Punto 14 Punto 16 Punto 18 Punto

Tədqiqatçı Nazir Əhmədli “Haqq-nahaq seçilər haqq divanında” kitabında Aşıq Ələsgərin 1821-ci ildə deyil, 1852-ci ildə anadan olduğunu iddia edib. Başqa bir tədqiqatçı Sabutay Hacıyev isə Rusiya Federasiyasının Dövlət Arxivindən Aşıq Ələsgərlə bağlı əldə etdiyi sənədi təqdim edərək bildirib ki, sənədə əsasən, Aşıq Ələsgər iddia edildiyi kimi 1852-ci ildə deyil, əvvəlki tədqiqatçıların da araşdırdığı kimi 1821-ci ildə dünyaya gəlib.

Qalmaqal yaradan kitabın müəllifi, Atatürk Mərkəzinin şöbə müdiri Nazir Əhmədli Kult.az-a açıqlamasında S.Hacıyevin iddialarına cavab verərək, onun dediklərinin həqiqəti əks etdirmədiyini vurğulayıb:

“Sabutay Hacıyev keçən dəfə yazmışdı ki, Rusiyada ilk siyahıyaalma 1879-cu ildə keçirilib. Sonradan ona bildirdilər ki, həmin siyahıyaalma 1897-ci ildə keçirilib. İndi həmin səhvini etiraf etsə, Ələsgərlə Anaxanıma düzəltdiyi 58 və 50 rəqəmləri alt-üst olar, ona görə yenə həmin rəqəmi təkrar edir və düzəltdiyi sənəddə göstərir ki, siyahıyaalmanın nəticələri 1897-ci ildə çap edilib. Sabutay Hacıyev bir şeyi nəzərə almır ki, Vikipediyadan 1 dəqiqə ərzində hər cür məlumatı dəqiqləşdirmək olur. Həqiqət isə budur ki, siyahıyaalma 1897-ci ildə keçirilib, onun nəticələri isə 1899-1905-ci illərdə çap olunub. Cəmi 89 cild və 119 kitab!”

N.Əhmədli S.Hacıyevi bəzi məsələlərdə məlumatsız olmaqda ittiham edib:

“S.Hacıyev 1917-ci il inqilabına qədər olan sənədlərin Rusiya Dövlət Arxivində yox, Rusiya Dövlət Tarix Arxivində saxlanıldığını bilmir. Rusiya Dövlət Arxivi - Sabutay Hacıyevin müraciət etdiyi arxiv Moskva şəhərində, Rusiya Dövlət Tarix Arxivi isə Sankt-Peterburq şəhərindədir və o da oraya müraciət etməli idi.

Aşığın nəvəsi və bioqrafı İ.Ələsgər dəfələrlə Aşıq Ələsgərin 41 yaşında evləndiyini və Anaxanımın o vaxt 25 yaşında olduğunu yazıb, yəni İ.Ələsgərə görə, Aşıq Ələsgər Anaxanımdan 16 yaş böyük idi. Sabutay Hacıyev isə Ələsgəri Anaxanımdan cəmi 8 yaş böyük göstərməklə İslam Ələsgəri yalanlayır”.

N.Əhmədli bildirib ki, 1897-ci ilin siyahıyaalmasında adamların adları yoxdur, yalnız yaşayış məntəqələri üzrə sayı və başqa statistik göstəriciləri var və həmin sənədlərdə Ələsgərlə Anaxanımın adlarının olduğunu iddia etmək camaatı ələ salmaq və fırıldaqçılıqdır:

“Bir şeyi başa düşmürəm ki, Ələsgərin 1852-ci ildə doğulduğunu həzm edə bilməyənlər niyə kədərlənir və indi də Sabutay Hacıyevin düzməcəsindən sonra nəyə görə toy-bayram edirlər? Doğum tarixinin dəqiqləşdirilməsi, məncə, adi bir işdir və ağlamalı bir səbəbi yoxdur. Əgər söhbət Aşıq Ələsgərin 2021-ci ildə keçirmək istədikləri 200 illik yubileyi ilə bağlıdırsa, bu məsələ məni qətiyyən maraqlandırmır, istəyirlər 300 illik yubiley keçirsinlər. Məni maraqlandıran şey həqiqəti üzə çıxarmaqdır.

Mən Dərələyəzli Aşıq Cəlilin də doğum tarixini müəyyənləşdirdim. Məlum oldu ki, o indiyə qədər yazıldığı kimi 1850-ci ildə yox, 1868-ci ildə doğulub, bu il 150 yaşı tamam olur və onun 150 illiyi də qeyd ediləcək.

Başqa aşıqlar haqqındakı tədqiqatlarım da davam edir”.

Qeyd edək ki, qalmaqala səbəb olan kitabın erməni mənbələrinə istinadən 2017-ci ilin iyununda Bakıda çap olunduğu deyilir. Məlumata görə, kitabda tanınmış aşıqların doğum tarixləri saxtalaşdırılıb və bununla Qərbi Azərbaycanda türklərin tarixinin elə də dərin olmadığı iddiası ortaya qoyulub. Eyni zamanda Qərbi Azərbaycanda qədim türk adlarının erməniləşdirilməsinə yönəlik dırnaqarası faktlar ortaya atılıb. Kitabda istinadların 90 faizi Ermənistan Milli Arxivində saxlanıldığı iddia olunan sənədlərədir.

Tarix
2018.02.07 / 07:00
Müəllif
Nigar İxtiyarqızı
Şərhlər
Загрузка...
Digər xəbərlər

Fond bu tanınmışlara 5 min manat verdi

“Naməlum ailə” gün üzünə çıxacaq - Foto

Vüsal “Sonuncu sovqat”ı təqdim edəcək - Foto

Nadir materiallar Gəncədə sərgiləndi - Foto

Müğənnidən xalq şairinə möhtəşəm hədiyyə - Foto

Komitədən Mövlud Mövlud müsabiqəsi haqda - Bəyanat

Qüdsdə erməni hiyləsi: Şeytan üzə çıxır

Bu gün dəfn olunan alpinist qızın arzusu: Bir qızım olsun…

Bu məsələdə şeytanın əl işi var - Vəli Hüseyn

Tək ayaq üstə savaşan Nihadın mübarizəsi - Foto

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla