Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
15 Dekabr 2018


Bu məsələdə şeytanın əl işi var - Vəli Hüseyn

Ana səhifə Kult Ədəbiyyat
12 Punto 14 Punto 16 Punto 18 Punto

Kult.az Vəli Hüseynin şeirlərini təqdim edir:

Sanki...

Sanki uşaqlığımın

Oyuncağı kimiyəm;

Sanki dəcəl bir uşaq,

Sındırıb atıb məni.

Sanki ölüm hökmüm

Verilən məhkəməyəm,

Sanki ən güvəndiyim

Dostlarım satıb məni.

Sanki bir çarəsizə

Mən dayağam, köməyəm,

Sanki xoşbəxt yuxuyam

Doyunca yatıb məni...

***

Günəş canına qəsd edər

Yanar iliyinəcən.

Göy üzü ağlayar ulduzlarını

Gecənin ovucuna.

Bir soxulcan ürəyi

Balıqdan öncə dayanar.

Bir qarışqa belində

Dünyanı aparıb gedər.

Bir uşaq üşüyər ana bətnində,

Bir kişi atalaşar.

Bir uşaq üşüyər ana bətnində;

Allahla dalaşar...

***
Məndim ağ atlı oğlanın,

Sehrli xalatlı oğlanın,

Bilmədin ki...

Alnımda yazını gözlədim,

Gözümdə üzünü gözlədim,

Gözlədim e, zalım qızı,

Yol oldum addımlarına,

İzini-tozunu gözlədim,

Gəlmədin ki...

***
Yarpaqlar üşüyər ovucumda,

Əllərim yanar..

Bir ağac ayrılar uşaqlarından,

Külək utanar..

Dolar gözlərinə daş ürəyimin,

Qara buludların hönkürtüləri,

Yağışlanaram..

Bir Allah itirər məni,

Bir Sən,

Dualarımı Allaha,

Sevgimi Sənə

Bağışlamaram..

Və bir çobanyastığı çiçəyi

Bitirməz torpaq,

Ki, “Səni sevmirəm”ə qalsın son ləçəyi..

Bir adam...

Çölüm insanla dolu;

İçimdə biri də yox.

Bu necə boş ürəkdi,

Dolmağa yeri də yox.

Nə dosta qapı açıq,

Nə yarın gəlişi var..

Bəlkə bu məsələdə

Şeytanın “əl işi” var!?

Bu nəyin vəsvəsəsi,

Qorxusu nəyin axı,

Necə bu tənhalığa

Dözür ürəyim axı!?

İlahi, gərçəkmi bu,

Yoxsa bir yuxudumu,

Ürəyimə salmağa

Bir adam yox idimi?

Tarix
2018.05.17 / 02:10
Müəllif
Kult.az
Şərhlər
Загрузка...
Digər xəbərlər

Mehriban Zəki İtaliya Senatında oxudu – Foto

Dünyanın ən varlı yazıçıları – Siyahı

Gənc qızın ahı tutdu: direktorun faciəli sonu...

"Türk dünyası" təqdim edildi - Foto

Rüstəm Behrudi xüsusi mükafat aldı - Foto

Kamal Abdulla bu şeiri kimə həsr edib? - Video

Qazaxıstanda ilk: Rəhimovun kitabı burada təqdim olundu - Foto

Bağırov məktubu oxuyub, “onu tapın” dedi - Mərhum şair

Azərbaycan nəşriyyatına qarşı təxribat: icazə verilmədi

Amaliettinin "Mixaylonun qisası" əsəri dərc edildi

KULT
<>
Xəbər xətti
 
  
  
  
  
Axar.az'da reklam Bağla
Reklam
Bize yazin Bağla