Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
20 Sentyabr 2018


Bu gün dəfn olunan alpinist qızın arzusu: Bir qızım olsun…

Ana səhifə Kult Ədəbiyyat
12 Punto 14 Punto 16 Punto 18 Punto

2017-ci il dekabrın 23-də Tufandağ istiqamətində səfərə çıxan və 24 dekabrdan itkin düşən, uzunmüddətli axtarışlardan sonra ötən gün cənazəsi tapılan 3 gənc alpinistimizdən biri - bu gün Masallı rayonunun Şərəfə kənd qəbiristanlığında torpağa tapşırılan Fəridə Zəbiyulla qızı Cəbrayılzadəni yad edənlər onun şeirlərini paylaşıblar.

Kult.az xəbər verir ki, xüsusən “Bir qızım olsun” şeiri mərhumun nakam arzusu kimi diqqət çəkir və təsirli reaksiyalar doğurur.

Fəridə Cəbrayılzadənin sözügedən şeirini təqdim edirik:

Bir qızım olsun

Sahib ola bilmədiklərimi ona verə bilim,

Ola bilmədiklərimi deyim

Bir qızım olsun

Necə möhkəm ayaq üstdə dayanmağı öyrədim,

Əclafların qarşısında üzülməməyi öyrədim.

Qadın kömək istəyənin dadına çatmaq üçün yumruğunun qaldırar

Bir qızım olsun,

Söz versin, insanlara tez inanmasın,

Tez ürəkdən bağlanıb, qucağını açmasın,

Alət kimi bir gecəlik olmasın,

Eşq təcrübəsi olsun, bədəninə görə arzulanmasın

Aciz olmasın, sükut etməsin

Yüksəklərdə qanad çırparkən süqut etməsin.

Bir qızım olsun

Dul qalsa əgər,

Təhqir olunmağına izn verməsin.

Başqalarının əmlakı olmadığını bilsin,

Möminlərin bir saatlıq siğəsi olmadığını bilsin.

Bir qızım olsun,

Ona deyim ki, səsinə cəsarət qatsın

Bilsin ki, onun saçlarından kimsəyə zərər olmaz,

Əgər ana ola bilməsə kişilər ölməz !

Bir qızım olsun

Evli qadına rəhm edə bilsin,

Kişi icazəsi olmadan nəfəs ala bilsin,

İstəyirəm quşları qəfəssiz çəkə bilsin.

Mələk olsun istəmirəm…

səhvləri olsun,

İstəyirəm qadın olsun…

qadın ölsün.

Budur qadınlıq!

Bir qızım olsun

Bilsin ki, dünya onun üçün yaxşı yer olacaq,

Kimsə qadına şiddətə cəhd etməyəcək.

Kimsə onu incitməyəcək.

Tarix
2018.05.17 / 22:57
Müəllif
Kult.az
Şərhlər
Загрузка...
Digər xəbərlər

Bu da bir oyundur, yaşadıq, bitdi… - Video

Bu axmaqlığa qarşı olan kitab niyə qadağan edilir?

Rusiyada terrorçuluq: azərbaycanlı müəllif yazır - Foto

Cümhuriyyətlə bağlı iki toplu təqdim olundu - Foto

Ramiz Mehdiyevin kitabı Livanda nəşr edildi - Foto

“Qırmızı Kitab”da nələri bilmək vacibdir?

Türkiyədə öz adına dövlət quran məşhur azərbaycanlı

Qanundan yeni nə var?

Möhtəşəm 4 gün: dünya məşhurları Bakıya gəlir

Bakıdakı bu mərkəzdən dünyada yoxdur - Naşir

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla