Ana səhifə Kult Ədəbiyyat |
Millət vəkili Qənirə Paşayeva Azərbaycan Milli Kulinariya Mərkəzinin baş direktoru Tahir Əmiraslanovun müəllifliyi ilə ərsəyə gəlmiş və SAVALAN şərablarının istehsalçısı ASPİ AQRO MMC-nin sponsorluğu ilə Ukraynada “Dostluq” cəmiyyəti tərəfindən Ukrayna dilində nəşr olunmuş “Azərbaycan mətbəxi haqqında rəvayətlər” kitabının təqdimat mərasimində iştirak edib.
Kult.az xəbər verir ki, millət vəkili kitabın Ukraynada milli mətbəximizi öyrənənlər üçün çox faydalı bir ləvazimat olduğunu vurğulayıb. O, dünyanın əksər ölkələrində milli mətbəximizin təbliği ilə bağlı bu cür kitabların nəşrinin önəmini xüsusilə qeyd edib.
Milli mətbəximizi öz adlarına çıxarmağa, özününküləşdirməyə çalışanlara qarşı mübarizənin daha da gücləndirilməsinin vacibliyini qeyd edən millət vəkili bu işdə diaspor təşkilatlarının üzərinə böyük vəzifələr düşdüyünü bildirib:
“Milli mətbəximiz mədəniyyətimizin ayrılmaz hissəsidir. Milli mətbəximizi təbliğ edən bütün layihələrə dəstək göstərmək hər birimizin borcudur”.
Tarix
2018.06.09 / 17:42
|
Müəllif
Aygün Yusibova
|