Ana səhifə Kult Ədəbiyyat |
İyulun 6-da Azərbaycan Dillər Universitetinin (ADU) Elmi Şurasının qərarı ilə nəşr olunan “Azərbaycan tərcümə ensiklopediyası” kitabının təqdimat-təhlil mərasimi keçiriləcək.
Kult.az xəbər verir ki, tədbir ADU-nun əsas binasının akt zalında, saat 11:00-da başlayacaq.
Giriş sərbəstdir, maraqlananlar iştirak edə bilər.
Qeyd edək ki, kitabın ideya müəllifi Azərbaycan Dillər Universitetinin (ADU) rektoru, AMEA-nın həqiqi üzvü, əməkdar elm xadimi Kamal Abdulladır.
Ölkəmizdə ilk dəfə oxuculara təqdim olunan “Azərbaycan tərcümə ensiklopediyası”nda tərcümənin fəlsəfi əsasları, predmet və problemləri, Azərbaycanda tərcümə tarixinin mühüm məqamları, nəzəri-praktik məsələləri, həmçinin personaliyalar əhatə olunub.
Ensiklopediya həm Azərbaycan dilinə, həm də Azərbaycan dilindən digər dillərə tərcümələrin müəlliflərini ehtiva edir.
Tarix
2018.07.04 / 15:57
|
Müəllif
Vəli Hüseyn
|