Ana səhifə Kult Ədəbiyyat |
Millət vəkili Qənirə Paşayevanın Masallı şəhərində, qəsəbə və kəndlərində oxucularla görüşü və kitablarının imzalanma mərasimi olub.
Kult.az xəbər verir ki, mərasim Regional Hüquqi və İqtisadi Maarifləndirmə İB-nin təşkilatçılığı ilə baş tutub.
Q.Paşayeva bildirib ki, kitablarında üzləşdiyi, yaşadığı, şahidi olduğu, duyduğu bir sıra həyat hekayələri, esseler, məqalələr yer alır:
“Məqsədim maddi dəyərlərə marağın getdikcə artdığı bir dünyada insanları mənəviyyata, həyatın mənasını daha geniş anlamağa, paylaşmağa çağırmaqdır. Gənc nəsillərimiz üçün əhəmiyyətli ola biləcəyini düşünürəm. Oxucuların bir az da olsa xoşuna gəlsə, çox məmnun olaram. Kitablarıma böyük diqqətiniz üçün təşəkkür edirəm”.
Tədbirin sonunda millət vəkili oxucuları maraqlandıran sualları da cavablandırıb və qızları yaxşı oxumağa, ali təhsil və ya peşə təhsil almağa çağırıb.
Tarix
2018.07.20 / 12:03
|
Müəllif
Firuzə Vahidqızı
|