Ana səhifə Kult Ədəbiyyat |
Onun elədikləri böyük faciəyə gətirib çıxara bilər.
Bu sözləri Axar.az-a xalq şairi Fikrət Qoca Şimali Koreya lideri Kim Çen İnə yazdığı şeirdən danışarkən deyib.
Şair insanların öldürülməsinə etiraz edib: "Dünyada Əsəd kimi, Qəzzafi kimi çox diktatorlar olub. Amma onlar yalnız öz xalqlarına qarşı təhlükədirlər. Kim Çen İn isə dünyaya qarşı böyük bir hədədir. Ümumiyyətlə, harada nüvə silahı varsa, oranın başında başı çatmayan bir lideri varsa, deməli, təhlükə var.
Anton Çexov deyirdi ki: "Əgər bir səhnədə silah varsa, həmin silah mütləq ikinci səhnədə partlayacaq". Dünya çarəsiz xəstəliklərə dərman tapacağı təqdirdə, bunlar daha çox insanlar ölsün deyə, kəşflər edir. Bu şeirimi bir etiraz kimi yazmışam".
Xalq şairinin "Nüvə sınağına yox" şeirini təqdim edirik:
Allah tozanağı yoğurdu-yapdı,
Kainat qoynunda cənnət yaratdı,
Bizi də cənnətin qoynuna atdı.
Sonra nə eylədik, biz eylədik, biz!
Göz açdıq, nə gördük, söz eylədik biz.
Zəmzəm suyumuzu buz eylədik biz.
Yorduq torpaqları duz eylədik biz,
Bu xaos dünyada meydan sulasa,
Cənnəti yenidən toz eylərik biz!
Tarix
2016.01.09 / 13:48
|
Müəllif
Dilarə Zamanova
|