Ana səhifə Gündəm |
FETÖ-nun dövlət çevrilişinə cəhdinin ardından Türkiyəyə səfər edən ABŞ Silahlı Qüvvələrinin Baş Qərargah rəisi Cozef Dunford bu gün Baş nazir Binəli Yıldırımla görüşəcək.
Axar.az Axşam.com-a istinadən xəbər verir ki, general 15 iyul çevrilişi ilə bağlı türk hökumətinə əhatəli izahat verəcək.
Qeyd edək ki, ABŞ rəsmisi baş nazirlə görüşündən sonra türkiyəli həmkarı Hulusi Akar və Müdafiə naziri Fikri İşıqla bir araya gələcək.
Ankara görüşlərində Dunford çevrilişə cəhddən sonra ABŞ generalı Cozef Votelin müttəfiq ölkənin ünvanına işlətdiyi ifadələrə də aydınlıq gətirəcək.
Ayrıca Dunforda çevrilişə cəhddə iştirak etmiş zabitlərin Fətullah Gülənlə əlaqəsini isbat edən etiraflar, ifadələr və sənədlər göstəriləcək, Gülənin ekstradisiya edilməyəcəyi təqdirdə iki ölkə arasında münasibətlərin korlanacağı amerikalı generalın diqqətinə çatdırılacaq.
Tarix
2016.08.01 / 15:20
|
Müəllif
Hacı Qulu
|