Ana səhifə Gündəm |
Qənirə Paşayeva Türkiyənin Dənizli vilayətindən gəlmiş nümayəndə heyəti ilə görüşüb.
Axar.az xəbər verir ki, millət vəkili qonaqlara ölkəmizin tarixi, mədəniyyəti, Qarabağ, Xocalı soyqırımı həqiqətləri ilə bağlı geniş məlumatlar verib.
Görüşdə Azərbaycan-Türkiyə münasibətlərinin daha da inkişafı istiqamətində geniş müzakirələr aparılıb.
Millət vəkili bildirib ki, Azərbaycan torpaqlarının 20 faizi hələ də Ermənistanın işğalı altındadır:
“Qardaş Türkiyədə terrorla mübarizədə çoxlu sayda qardaş-bacılarımız həyatını itirib. Azərbaycan və Türkiyənin hər zaman güclü olması ən böyük diləyimizdir. Azərbaycan və Türkiyəyə qarşı terror, cinayətlər, işğallar həyata keçirənlərə qarşı mübarizəmizi birlikdə daha da gücləndirməliyik”.
Prezident İlham Əliyevin Türkiyəyə son səfəri və verdiyi mesajlara xüsusi toxunan millət vəkili deyib ki, ölkə başçısı əsil qardaşlığın necə olduğunu hər kəsə göstərdi və bu, dosta, düşmənə çox önəmli mesajdır.
Görüşün sonunda Q.Paşayeva qonaqlara Azərbaycan mədəniyyəti, Qarabağ həqiqətləri ilə bağlı materiallar təqdim edib.
Tarix
2016.12.02 / 17:50
|
Müəllif
Aygün Yusibova
|