Azərbaycan Xarici İşlər Nazirliyinin mətbuat katibi Elman
Abdullayev
Musavat.com-a açıqlamasında bildirdi ki, İranla sərhəddə
iki traktorçunun güllələnməsi iddiaları araşdırılır. Elman
Abdullayevin sözlərinə görə, Azərbaycan tərəfi bununla bağlı iş
aparır.
O ki qaldı İranın Azərbaycanla sərhədləri bağlamasına, Elman
Abdullayev bundan xəbərsiz olduğunu dedi.
Dövlət Gömrük Komitəsinin Biləsuvar Gömrük İdarəsinin rəis müavini
Mirrafiq Mirsultanov
APA-ya açıqlamasında faktı təsdiqləyib. Onun
sözlərinə görə, İran tərəfi keçidi dayandırmasına heç bir səbəb
göstərmir. Qarşı tərəflə görüşə cəhd göstərilsə də, hələlik heç bir
nəticə alınmayıb.