Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
28 İyun 2017


Qarabağın taleyi bundan asılıdır - Şevçenko

Ana səhifə Gündəm
12 Punto 14 Punto 16 Punto 18 Punto

Minsk Qrupu çoxdan özünü gözdən salıb. 20 ildən çoxdur ki, bu qurum Qarabağ konfliktinin həlli istiqamətində heç nə etməyib.

Axar.az xəbər verir ki, bunu “Moskva-Bakı” portalına açıqlamasında rusiyalı jurnalist Maksim Şevçenko söyləyib.

O, Qarabağın həllinin Rusiya-Türkiyə-İran üçlüyündən asılı olduğunu bildirib:

“Ermənistanın həlak olan Azərbaycan hərbçisinin cəsədini verməkdən imtina etməsi Minsk Qrupunun çarəsizliyini açıq şəkildə göstərir. Belə çıxır ki, bu qurum hətta bu məsələdə də faydalı nəticə əldə etmək imkanına sahib deyil. Əminəm ki, Azərbaycan hər şeydən öncə Moskva və Tehrana müraciət etsəydi, cəsədin verilməsi məsələsi daha tez həll ediləcəkdi. Ona görə ki, Dağlıq Qarabağ konfliktinin açarı ilk növbədə Rusiya və İranda yerləşir.

Məncə, 1990-cı illərdə Dağlıq Qarabağ konfliktinin həlli ilə bağlı yaradılan bütün formatlar artıq özünü etibardan salıb və onlar tarixin arxivinə atıla bilər. Tamamilə aydındır ki, Dağlıq Qarabağ konfliktinin gələcəyi, Ermənistan-Azərbaycan münasibətlərinin normallaşması üç regional gücün – Rusiya, İran və Türkiyənin potensial razılaşmasından asılıdır. Amerikalılar konfliktin uzadılmasında maraqlıdır. Onlar həll prosesindəki vasitəçilikdən nə qədər tez uzaqlaşalar, Rusiya, Türkiyə və İran bu prosesə bir o qədər daha sıx qoşulacaq. Bu məsələdə ümumi təmas nöqtələri tapılacaq və tezliklə, konflikt Azərbaycanla Ermənistanın maraqlarına uyğun həll ediləcək. Azərbaycan, Rusiya və İran prezidentlərinin avqustun 8-də Bakıdakı sammitindən və Rusiya-Türkiyə münasibətlərinin düzəlməsindən sonra aydındır ki, indi bu ölkələr Dağlıq Qarabağın həllində ümumi təmas nöqtələri axtarırlar. Bu istiqamətdə hərəkət var. Əgər Rusiya və Türkiyə Suriyadakı vətəndaş müharibəsi ilə bağlı situasiyada razılaşma əldə edibsə, o zaman Rusiya-Türkiyə-İran formatının Qarabağın həllində taleyüklü rol oynayacağına da inam yaranır”.

Ekspert İranın bu konfliktin həllində İrəvana güclü təsir edə biləcəyini söyləyib:

“Qarabağ konflikti dondurulmuş vəziyyətdə qaldığı müddət ərzində onu həll etmək çətin olacaq. Avropa Birliyinin iştirakı, üç qarant ölkə və yeni Amerika administrasiyasının xeyir-duası ilə konflikti həll etmək olar. Rusiya-İran-Türkiyə bloku yekun şəkildə formalaşsa, Qafqazda bir çox konfliktlər həll ediləcək. Əminəm ki, Dağlıq Qarabağ, Cənubi Osetiya, Abxaziya konfliktləri həll olunacaq. Bu gün aydındır ki, Tehran açıq şəkildə Ermənistanın müttəfiqidir. Lakin Tehran həm də şiəlik vasitəsilə Azərbaycanla da sıx əlaqələri dəstəkləyir. İran Ankara ilə münasibətlərini düzəltsə, erməni tərəfinə güclü təsir edə bilər ki, o, Dağlıq Qarabağ konfliktinin həllində konstruktiv mövqe tutsun”.

Tarix
2017.01.11 / 14:19
Müəllif
İlkin Həsənov
Şərhlər
Загрузка...
Digər xəbərlər

"Ermənilər suriyalı qaçqınları Qarabağda yerləşdirir"

Pedro Aqramunt AXP-dən xaric edildi

Sərkisyandan etiraf: Moskvanın Bakıya silah satması...

Ramil Usubov Tacikistana getdi

MN-dən ordumuzun 8 itki verməsi iddialarına - Cavab

İlham Əliyev Polşanın baş naziri ilə görüşdü - Foto

Zakir Həsənov NATO toplantısında iştirak edəcək

Polşa prezidenti İlham Əliyevin şərəfinə ziyafət verdi - Foto

Bakı bunun üçün 6 milyard pul ayırıb – Mehriban Əliyeva

Əliyeva yeni mənzillərin verilməsi mərasimində – Foto

KULT
<>
Xəbər xətti
 
SORĞU
Dağlıq Qarabağ probleminin həlli yolunu necə görürsünüz?
  
  
  
Axar.az'da reklam Bağla
Reklam
Bize yazin Bağla