Ana səhifə Gündəm |
Mübariz Mənsimovun mətbuat xidməti onun Trampla fotoşopunu yaymaqla öz şefinə ayı xidməti göstərmiş oldu.
Axar.az xəbər verir ki, bu sözləri politoloq Elxan Şahinoğlu azərbaycanlı iş adamı Mübariz Mənsimovun ABŞ Prezidenti Donald Trampım andiçmə mərasimində onunla birgə yayılan fotosuna münasibət bildirərkən deyib. Politoloq vurğulayıb ki, Mübariz Mənsimovun Vaşinqtondakı ziyafətdə iştirakı şübhəsizdir və bəlkə də Trampın əlini sıxaraq bir-iki kəlmə onunla nəsə danışıb:
“Ancaq bu cür fotoşopun yayılması ayıb oldu və məmləkəti üçün də az xidmətləri olmayan tanınmış iş adamına yaraşmadı”.
Qeyd edək ki, Mübariz Mənsimovun sosial şəbəkədəki səhifəsində Donald Trampın andiçmə mərasimində olduğunu əks etdirən fotolar yerləşdirilib. Fotolardan biri isə Mübariz Mənsimovun Trampla təkbətək görüşdüyünü əks etdirən fotomantajdır. Bu montaj sosial şəbəkələrdə birmənalı qarşılanmayıb.
Xatırladaq ki, sözügedən foto artıq Mübariz Mənsimovun rəsmi Feysbuk səhifəsindən silinib.
Tarix
2017.01.30 / 15:10
|
Müəllif
Axar.az
|