Yuxarı

Bu, İrəvanı ciddi narahat edir - Polkovnik

Ana səhifə Gündəm
12 Punto 14 Punto 16 Punto 18 Punto

Son günlər Ermənistan Silahlı Qüvvələrinin cəbhə bölgəsində təxribatları yenidən intensiv xarakter alıb. Fevralın 24-dən 25-ə keçən gecə Ermənistan silahlı bölmələri cəbhənin müxtəlif istiqamətlərindən müdafiə mövqelərimizə doğru irəliləməyə cəhd göstəriblər. Hər zaman olduğu kimi, Azərbaycan hərbçiləri düşmənin qarşısını qətiyyətlə alıb, onu geri çəkilməyə məcbur ediblər. Əsgər və zabitlərimizin peşəkarlığı, sayıqlığı ciddi müqavimətlə üzləşəcəyini gözləməyən düşməni çaşdırıb, qarşı tərəfin çoxsaylı itkiləri ilə nəticələnib.

Axar.az xəbər verir ki, bu fikirləri Respublika Veteranlar Təşkilatının sədr müavini, ehtiyatda olan polkovnik Cəlil Xəlilov bildirib.

O deyib: “Təəssüf ki, düşmən təxribatının qarşısı alınarkən bir neçə hərbiçimiz şəhid olub və yaralanıb. Ermənistanın təxribatlarının arxasında dayanan əsas səbəblərə gəlincə, bu, həmin ölkədə daxili və xarici problemlərin həllini tapmaması ilə bağlıdır. Ermənistan tərəfi diqqəti bu problemlərdən yayındırmaq məqsədi ilə yenə də vaxtaşırı belə təxribatlara əl atmaq məcburiyyətindədir. Aprel döyüşlərindəki məğlubiyyəti “həzm edə” bilməyən Ermənistan rəhbərliyinin hazırkı mərhələdə bu sindromdan qurtulması üçün revanş arzusunu gerçəkləşdirməyə ehtiyacı var. Azərbaycanın hərtərəfli hərbi, hərbi-texniki və mənəvi-psixoloji üstünlüyü şəraitində erməni gənclərinin Qarabağda nahaqdan ölmələrinə Ermənistan cəmiyyətinin daim artan etirazları mövcud rejimi ciddi narahat edir. Hər dəfə layiqli cavab alan düşmənin münaqişənin həllində mövqelərinin zəifləməsi daha bir ciddi narahatlıq perspektivi yaradır.

Ehtiyatda olan polkovnik qeyd edib ki, bütün bunlara baxmayaraq, Ermənistan rəhbərliyi hər vasitə ilə növbəti məğlubiyyətini də xalqdan ciddi-cəhdlə gizlətməyə çalışır, beynəlxalq hüquq norma və prinsiplərinə zidd fəaliyyətini davam etdirir. Cəbhədə şəhid olan hərbiçilərin cəsədlərinin döyüş meydanından çıxarılması barədə əldə edilmiş razılaşmanın pozulması bunun daha bir əyani sübutudur. Ermənistan tərəfi, həmçinin münaqişənin nizamlanması üçün beynəlxalq təşkilatların irəli sürdükləri tələblərə də həmişəki kimi biganə yanaşır. ATƏT və Beynəlxalq Qırmızı Xaç Komitəsinin nümayəndələrinin vasitəçiliyi ilə əldə edilən razılaşmanın pozulması, yeni şərtlər qoyulması beynəlxalq hüquq normalarına daban-dabana ziddir və erməni xislətindən irəli gəlir.

Tarix
2017.02.27 / 21:04
Müəllif
Axar.az
Şərhlər
Digər xəbərlər

Paşinyan Stoltenberqlə görüşdü

Bakı-Tiflis əməkdaşlığı yeni sahələri əhatə edəcək

İrəvandan anklavlarla bağlı açıqlama: Sərhəd boyu...

Güneylilər Cenevrədə aksiya keçirdi

Cənubi Qafqazda “bir dövlət” silinə bilər - Tarasov

Qərb İrəvanda buna imkan verməyəcək – Ekspert

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla