Ana səhifə Gündəm |
Qənirə Paşayevanın Antalyada Akdeniz Universitetində Qarabağ həqiqətləri ilə bağlı tədbirlərin artırılması və Azərbaycan mərkəzi təklifi müsbət qarşılanıb.
Axar.az xəbər verir ki, millət vəkili universitetin rektoru Mustafa Ünal və tələbələrlə görüşündə Qarabağ həqiqətlərinin daha geniş yayılmasından və qondarma erməni soyqırımı yalanlarına qarşı birgə mübarizədən bəhs edib.
Mustafa Ünal Azərbaycan ilə Türkiyə arasında bütün sahələrdə, o cümlədən təhsil sahəsində əlaqələrin getdikcə genişlənməsindən məmnunluğunu ifadə edib.
Qənirə Paşayeva Azərbaycan həqiqətləri, Dağlıq Qarabağ münaqişəsi, Xocalı soyqırımı ilə bağlı konfransların daha da artmasına ehtiyac olduğunu deyib.
Görüş zamanı Azərbaycan-Türkiyə münasibətləri, bölgədə getdikcə daha da gərginləşən vəziyyət ətrafında söhbətlər aparılıb.
Millət vəkili Azərbaycan, Qarabağ mərkəzi üçün lazım olan kitab, material, sənədli filmlərin rəhbərlik etdiyi Avrasiya Beynəlxalq Araşdırmalar İnstitutu İb tərəfindən Universitetə hədiyyə ediləcəyini vurğulayıb.
Azərbaycanın Türkiyədəki səfirliyinin təhsil müşaviri Nəcibə Nəsibova universitetdə əməkdaşlığın genişlənməsi, burada təhsil alan azərbaycanlı tələbələrlə bağlı bir sıra təkliflərlə çıxış edib.
Tarix
2017.03.03 / 16:41
|
Müəllif
Aygün Yusibova
|