Ana səhifə Gündəm |
ABŞ Prezidenti Donald Tramp Böyük Britaniya Baş naziri Tereza Meyə London teraktından dərhal sonra zəng edib.
Axar.az xəbər verir ki, bu barədə Ağ Evin mətbuat katibi Şon Spayser məlumat yayıb. Onun sözlərinə görə, Trampla Mey teraktı müzakirə ediblər.
“Əlbəttə, biz Vesminsterdəki hücum barədə müzakirə aparırıq. Böyük Britaniya hadisəyə terror aktı kimi yanaşır. Biz Britaniya polisinin olaya dərhal verdiyi reaksiyanı alqışlayırıq”, - Spayser bildirib.
O, qeyd edib ki, terror hadisəsi nəticəsində dünyasını dəyişənlərə görə ABŞ bağsağlığı verir və dua edir: “Britaniya hökuməti günahkarların cəzalandırılmasında ABŞ-ın tam dəstəyinə güvənə bilər”.
ABŞ Dövlət katibi Reks Tillerson da ölənlərin ailəsinə başsağlığı verib. “Biz hadisəni kimin törətməsindən asılı olmayaraq, bu dəhşətli aktı qınayırıq”, - Tillerson deyib.
Tarix
2017.03.23 / 00:47
|
Müəllif
Axar.az
|