Ana səhifə Gündəm |
“Xalqbank”ın baş direktor müavini Məhməd Hakan Atilla FETÖ-ya yaxınlığı ilə bilinən və bir müddət əvvəl vəzifədən uzaqlaşdırılan Bhararanın hazırladığı iddianamə əsasında həbs olunub.
Axar.az xəbər verir ki, bu sözləri Türkiyə Xarici İşlər naziri Mövlud Çavuşoğlu deyib.
“Hər şeyin əvvəlcədən planlaşdırıldığı aydın görünür. Biz prosesi yaxından izləyirik, məhkəmə aprelin 10-na təyin olunub. Bu məsələni gündəmdə saxlayacağıq. Məhmədin özündən də nəyin baş verdiyini soruşacağıq. Onunla əlaqə qurmağa imkan yaratmırlar, bunu da gündəmə gətirib narahatlığımızı bildirəcəyik”, - Çavuşoğlu bildirib.
Qeyd edək ki, Məhməd Hakan Atilla dünən ABŞ-ın Kennedi Hava Limanında həbs olunub. İddialara görə, o, İrana tətbiq olunan sanksiyaları pozmaqda ittiham edilir.
Tarix
2017.03.29 / 14:13
|
Müəllif
Aqşin Evrən
|