Ana səhifə Gündəm |
Artıq bir neçə ildir ki, Rusiya siyasi elitasında dəyişikliklər gedir və vəzifəyə gətirilən yeni nəslin menecerleri birbaşa mərkəzə tabedirlər.
Bu sözləri Axar.az-a açıqlamasında politoloq İlqar Vəlizadə deyib. Ekspert bildirib ki, əslində, bu prosesin özü də asanlıqla baş vermir, görünür, müəyyən müqavimət var:
“Son zamanlar Rusiyada geniş vüsət alan korrupsiya qalmaqalı da, ola bilsin, məhz bu prosesin tərkib hissədir. Rusiya ictimaiyyəti bir çox hallarda siyasi elitanın dəyişməsinin kosmetik xarakter daşıdığını görür. Əslində isə vəziyyət dərindən dəyişilmir, mövcud iqtisadi maraqlar qalır. Yəni Rusiyada rəhbərlər dəyişsə də, mahiyyətcə böyük bir şey baş vermir. Medvedyev ətrafında gedən qalmaqalın timsalında bunu daha aydın görmək olur. Rus siyasi elitasında hökm sürən qalmaqalların əsasında bir çox hallarda gizli faktların üzə çıxması dayanır. Çox güman ki, Rusiyadakı müxalif qruplar özbaşına hərəkət etmir, görünür, onalara hökumətin içərisindən informasiya sızdırılır. Çünki hazırkı siyasi elita köhnələrin aqibəti ilə üzləşməkdən qorxur. Ona görə də zaman-zaman müəyyən yollarla mesajlar verirlər. Rusiya siyasi elitasında hökm sürən bu ab-hava ən azı 5 il də davam edə, hətta daha da sürətlənə bilər”.
Tarix
2017.03.30 / 08:45
|
Müəllif
Aygün Yusibova
|