Ana səhifə Kult |
31 Mart Ümummilli lideri Heydər Əliyevin 26 mart 1998-ci il tarixli sərəncamı ilə Azərbaycanlıların Soyqırımı Günü kimi qeyd olunur.
Kult.az xəbər verir ki, Cinema Park kinoteatrları isə, deyəsən, bundan xəbərsizdir. Belə ki, “Bayram axşamı”, “Stalinin başı” kimi komediyalar bu gün də yayımlanacaq.
Xalqımızın yaşadığı ən böyük faciələrindən biri kimi tarixə düşən 31 mart günü “Cinema Plus”un repertuarında dəyişiklik edilməyib.
Kinoteatrların rəsmi internet səhifələrində yerləşdirilən afişalarda komediya janrında olan filmlər yer alsa da, bir neçə dəqiqə sonra aradan qaldırılırdı.
Məsələni dəqiqləşdirmək üçün “Cinema Plus”un Gənclik və “28 Moll” kinoteatrlarına zəng vurduq.
Operatorlar sözügedən komediyaların 18.30,19.20, 20.25, 21.45 radələrində yayımlanacağını açıqladı.
“Cinema Plus”un mətbuat katibi Nara Həsənova isə Kult.az-a açıqlamasında üç fərqli operatorun bilmədən “texniki” səhvə yol verdiyini və filmlərin yayımlanmayacağını dedi.
Tarix
2017.03.31 / 17:14
|
Müəllif
Kult.az
|