Ana səhifə Gündəm |
Azərbaycan ordusunun Ermənistana məxsus OSA zenit-raket kompleksini ekipajı ilə birgə məhv etməsi İrəvanda ciddi panikaya səbəb olub.
Axar.az xəbər verir ki, politoloq Elxan Şahinoğlu rus və erməni mediasında tirajlanan bu səpkili yazılara diqqət çəkib. Politoloq bildirib ki, Ermənistanda “Ağdam səmasında helikopterimizi vurdular, 3 hərbçimizi itirdik, əvəzini çıxmadıq. Bu dəfə də əvəzini çıxmasaq, qarşı tərəfdə ruh yüksəkliyi artacaq” deyə iddialar səsləndirilir: “Maraqlıdır ki, “daha çox azərbaycanlı hərbçi öldürməliyik” fikirlərini Rusiya mediası da tirajlayır”.
E.Şahinoğlu daha sonra ermənilərin haqlı olduğunu bildirib: “Haqlıdırlar, biz vurmaqda davam edəcəyik, əvəzini çıxmağı bacarsalar da, bacarmasalar da, yenə vuracağıq, başqa alternativimiz yoxdur. Torpaqlarımızı işğal etməklə həyatımızı zəhərə çevirdilər, demək, onların həyatı bizimkindən də betər olmalıdır”.
Qeyd edək ki, ötən gecə Ermənistan ordusu Azərbaycanın sərhədyanı yaşayış məntəqələrini (Ağdam və Tərtər istiqamətində) atəşə tutub və bu zərbənin görüntüsünü yayıb. Azərbaycan Müdafiə Nazirliyi isə yaşayış məntəqələrinin vurulduğunu təsdiqləyən videonun erməni təxribatının daha bir sübutu olduğunu bildirib və iddiaların əksinə olaraq, Azərbaycanın heç bir itki vermədiyini, düşmənin susdurulduğunu açıqlayıb.
Tarix
2017.05.17 / 22:38
|
Müəllif
Axar.az
|