Ana səhifə Gündəm |
Əslində, Ərdoğan ABŞ prezidenti ilə görüşərək Türkiyənin mövqeyini ona çatdırıb.
Bu sözləri Axar.az-a Türkiyə prezidentinin ABŞ səfərinin yekunları ilə bağlı danışan politoloq, millət vəkili Rasim Musabəyov deyib. Deputat hazırkı dönəmdə Türkiyə və ABŞ liderlərinin bir araya gəlməsini iki ölkə arasında siyasi dialoq baxımından vacib sayıb:
“Türkiyə mətbuatından bu səfərin ciddi nəticə vermədiyini demək mümkündür. Ancaq hər halda Rusiya və bir çox ölkə prezidentləri Trampla əlaqə qurmağı gözləsə də, Ərdoğan ABŞ prezidenti ilə görüşərək ölkəsinin mövqeyini ona çatdıra bildi. Hansısa bir məsələdə razılıq əldə olumasa da, siyasi dialoq olduqca önəmli idi. Söhbət ondan getmir ki, mütləq şəkildə mövqelər üst-üstə düşməliydi. Ancaq tərəflər çox yaxşı anlayırlar ki, müttəfiqliyə zərər gətirəcək xətti keçmək olmaz. Əslində, bu, elə nəticədir”.
Qeyd edək ki, Türkiyə prezidenti Rəcəb Tayyib Ərdoğan mayın 16-da Vaşinqtond ABŞ lideri Trampla görüşüb.
Tarix
2017.05.20 / 08:30
|
Müəllif
Aygün Yusibova
|