Ana səhifə Gündəm |
Moskvanın Bakıya yeni müasir silahlar göndərməsi İrəvana xəbərdarlıq sayıla bilər.
Bu sözləri Axar.az-a açıqlmasında politoloq İlqar Vəlizadə deyib. Ekspert bildirib ki, Rusiya Azərbaycan kimi güclü bir silah bazarını itirmək istəmir:
“Əslində, Rusiya rəsmiləri Azərbaycana müasir silah satışının digər məsələlərlə yanaşı, bir biznes olduğunu heç vaxt gizlətməyiblər. Azəbaycan Rusiya üçün əlverişli hərbi bazardır. Azərbaycan Rusiyanın silah alıcıları sırasında MDB və dünyada mühüm yer turur. Ona görə də bu bazarı itirmək Rusiya üçün heç yaxşı olmazdı. Çünki hazırda silah bazarında rəqabət yüksəkdir. Rusiyanın hərbi sənaye komleksi Azərbaycana silah satışından kifayət qədər udur. Bu isə Rusiyaya cari problemlərinin həllində yardım edir.
Daha önəmli bir məsələ isə silahların ehtiyat hissəsləri ilə bağlıdır. Gələcəkdə ehtiyat hissəsləri lazım olacağı təqdirdə Moskva Bakının bu sifarişlərini də təmin edəcək. Bu, uzunmüddətl bir layihədir və Rusiyaya kifayət qədər mənfəət gətirir. Ona görə də Rusiya Azərbaycanı müxtəlif yollarla əldə saxlamağa çalışır”.
Politoloq Azərbaycanın son zamanlar cəbhədə Rusiyadan alınan silahları nümayiş etdirməsinin səbəbsiz olmadığını bildirib:
“Bütün hallarda Rusiya üçün ən əlverişli tərəfdaş Azərbaycandır. Bakı bu sahədə İrəvanı dəfələrlə üstələyir. Azərbaycan cəbhədə Rusiyadan aldığı silahların döyüş qabiliyyətini sınaqdan keçirməklə bərabər, Ermənistana çox ciddi bir mesaj göndərir. Mesaj odur ki, Bakı istənilən təxribatın qarşısını məhz rus silahları ilə alacaq”.
Tarix
2017.06.25 / 10:00
|
Müəllif
Aygün Yusibova
|