Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
24 Noyabr 2017


İrəvan əsgərlərini cəbhəyə zəncirlə bağlayıb - Qarabağ səfəri

Ana səhifə Gündəm
12 Punto 14 Punto 16 Punto 18 Punto

Ermənistan artıq çox güman dünyada olan yeganə dövlətdir ki, öz hərbçilərini öndə olan postlara zəncirlərlə bağlayır.

Bu sözləri Axar.az-a Ermənistan Müdafiə naziri Vigen Sərkisyanın Azərbaycanın işğal altında olan ərazilərinə səfərinə münasibət bildirən politoloq Tofiq Abbasov deyib. Politoloq bildirib ki, Ermənistan artıq öz qorxusunu, təşvişini gizlədə bilmir:

“Ermənistan Prezidenti Serj Sərkisyanın son açıqlamaları, onun Azərbaycanın Müdafiə naziri Zakir Həsənovun müsahibəsinə cavab verməsi göstərir ki, bu ölkə artıq təşviş içindədir. Onlar anlayır ki, Azərbaycan hərbi cəhətdən, texniki baxımdan, ümumiyyətlə, strateji resurslar nöqteyi-nəzərindən Ermənistandan qat-qat üstündür. Son günlər Ermənistanın təmas xəttində vəziyyəti bilərəkdən pozması, dünyaya lazımsız, faktsız informasiyalar göndərməsi onu göstərir ki, Ermənistan öz yaratdığı gərginliyi artıq cilovlaya bilmir. Ona görə də Ermənistan rəhbərliyinin nümayəndələri, o cümlədən Müdafiə naziri Vigen Sərkisyanın Dağlıq Qarabağ bölgəsinə getməsi orada qalan yerli əhalinin sakitləşdirmək, onlara yalançı impulslar vermək məqsədi güdür. Artıq Qarabağda 30 mindən artıq adam yaşamır. Halbuki vaxtı ilə həmin ərazilərdə azərbaycanlılarla birlikdə 150 mindən çox əhali yaşayırdı”.

T.Abbasovun sözlərinə görə, yalandan şişirdilmiş müdafiə xəttinin qurucuları həmin ərazidə təbliğat xarakterli, orduda qalmış az sayda hərbçiləri bir növ ruhlandırmağa çalışırlar:

“İrəvan artıq özünün yaratdığı problemin öhdəsindən gələ bilmir. Formalaşan vəziyyətin artıq girovuna çevrilib. Əgər Azərbaycan anti-terror əməliyyatlarına başlayarsa, onlar guya tab gətirə biləcəklərini xalqa inandırmağa çalışırlar. Əslində Azərbaycan üçün bu səfərlərin heç bir siyasi-strateji, hərbi-texniki əhəmiyyəti yoxdur. Çünki biz qarşımızdakı düşməni tanıyırıq. Onların imkanlarına bələdik. Hesab edirəm ki, Prezident İlham Əliyev də Nazirlər Kabinetinin qarşısında çıxışı zamanı bütün lazımi məqamları diqqətə çatdırdı. Daha sonra Müdafiə nazirimiz Zakir Həsənovun çıxışlarında bu məsələ haqqında mənzərəni lazımınca qiymətləndiriblər. Azərbaycan indiki reallıqda heç kimlə məsləhətləşmədən bu problemin həlli ilə bağlı qərar verə bilər”.

Qeyd edək ki, Ermənistan Müdafiə naziri Vigen Sərkisyan bu gün Azərbaycanın işğal altında olan ərazilərinə səfər edib.

Tarix
2017.07.17 / 15:57
Müəllif
Firuzə Vahidqızı
Şərhlər
loading...
Digər xəbərlər

Qərb Türkiyədən niyə bu qədər ehtiyat edir – Şərh

ABŞ uduzdu: Rusiya bu bölgəni ələ keçirdi

Türkiyə S-400-dən imtina edə bilər? – Sanksiya hədəsi

SOS: Türkiyəyə qarşı dağıdıcı plan...

Türkiyə Soçidə buna razılaşmağa məcbur oldu – Şərh

Sərkisyan dedi ki, azərbaycanlılar... - XİN sözçüsü

Rusiyadan növbəti Qarabağ açıqlaması

Xoşbəxt Yusifzadənin nazirimizlə bağlı – Xatirəsi

Lavrov-Sərkisyan görüşü: Kreml İrəvandan 3 rayonu istəyir

Bakı İrəvanın bu təklifini rədd etdi – Ekspert

KULT
<>
Xəbər xətti
 
  
  
  
  
Axar.az'da reklam Bağla
Reklam
Bize yazin Bağla