Ana səhifə Gündəm |
Azərbaycana rəsmi səfərə gələn İsveçrə Konfederasiyasının prezidenti Didye Burkhalterin rəsmi qarşılanma mərasimi olub.
Azərbaycan prezidenti İlham Əliyev isveçrəli həmkarı
D.Burkhalteri qarşılayıb.
Fəxri qarovul dəstəsinin rəisi İsveçrə prezidentinə raport verib,
İsveçrənin və Azərbaycanın dövlət himnləri səslənib.
Dövlət başçıları fəxri qarovul dəstəsinin qarşısından keçiblər,
İsveçrə prezidenti Azərbaycan əsgərlərini salamlayıb.
Azərbaycanın dövlət və hökumət nümayəndələri D.Burkhalterə, İsveçrə
nümayəndə heyətinin üzvləri isə prezident İlham Əliyevə təqdim
olunub.
Fəxri qarovul dəstəsi hərbi marşın sədaları altında dövlət
başçılarının qarşısından keçib. Prezidentlər rəsmi foto
çəkdiriblər. /Trend/
Qeyd edək ki, Didye Burkhalter Rusiya prezidenti Vladimir
Putinin Avropadakı biznes ortaqlarından hesab olunurdu. Rus
prezidentin, həmçinin Putinə yaxın olan rus biznesmenlərinin
Avropadakı bütün biznesi Burkhalterin nəzarətində idi. Hətta onu
Qərbdə Putinin "portmanatı" adlandırırdılar. Krımın Rusiyaya ilhaq
edilməsilə Qərb tərəfindən Kremlə tətbiq olunan sanksiyalardan
sonra Burkhalter Putinlə birgə əməkdaşlıq etməkdən imtina
etmişdi.
Tarix
2014.06.02 / 10:49
|
Müəllif
Axar.az
|