Ana səhifə Gündəm |
Ermənistanın Müdafiə naziri Seyran Ohanyan mayın 28-də ermənilərin Füzuli hücumu zamanı yaralanan əsgərləri ilə hospöitalda görüşüb.
Axar.az xəbər verir ki, bu barədə informasiyanı Ermənistan Müdafiə Nazirliyinin Mətbuat xidmətinin rəhbər Arçrun Ovanisyan öz Feysbuk səhifəsində paylaşıb.
O, nazirin əsgərləri Mərkəzi Kliniki Hospitalda ziyarət etdiyini bildirib:
"Seyran Ohanyan yaralanan əsgərlərimizlə görüşdü. Daha sonra isə Azərbaycan tərəfi ilə döyüşdə fərqlənən əsgərlərimizi fərqlənmə medalları ilə təltifləndirdi".
Xatırladaq ki, Ermənistan Müdafiə Nazirliyi hələ də yaralıların ad-soyadı və rütbələri barədə məlumat verməyib.
Qeyd edək ki, 28 may tarixində erməni hərbi birləşmələrinə aid olan kəşfiyyat-diversiya qrupu Füzuli istiqamətində cəbhə xəttini keçməyə cəhd etmişdi. Azərbaycan ordusunun sayıqlığı nəticəsində cəhdin qarşısı alınmışdı. Nəticədə bir zabit və gizirimiz şəhid olmuşdu. Daha bir əsgərimiz isə yaralanmışdı. Ermənistan tərəfi isə bir əsgərinin öldüyünü bildirsə də, sonradan daha dörd əsgərinin də yaralandığı bəlli olmuşdu. Azərbaycan Müdafiə Nazirliyi həmin əsgərlərin İrəvanda hazırlanan xüsusi təyinatlılar olduğunu bəyan etmişdi.
Tarix
2014.06.02 / 10:54
|
Müəllif
İlkin Həsənov
|