Ana səhifə Gündəm |
Mixail Saakaşvilinin hakimiyyətə qayıdışı yenə də öz vətənindən - Gürcüstandan başlamalıdır.
Axar.az xəbər verir ki, bu sözləri politoloq Elxan Şahinoğlu öz Feysbuk hesabında yazıb.
O, Saakaşvilinin Ukraynaya yolunun bağlandığını bildirib.
“Həm də açıq demək lazımdır ki, Ukrayna onun yeri deyil, orada onun bir siyasətçi kimi uğur qazanmaq şansı yoxdur. Ukraynalı gürcünü və ya başqa millətin təmsilçisini hakimiyyətə gətirməz. Bu bir çox ölkə üçün keçərlidir. Ona görə də Saakaşvilinin siyasətçi kimi nə şansı qalıbsa, o da Gürcüstandadır. Doğrudur, 2016-cı ildə onun partiyası parlament seçkisində məğlub oldu, ancaq bu, hələ son deyil”.
E.Şahinoğlu Gürcüstanın indiki hökumətindən narazılığın artdığını da qeyd edib:
“Gürcüstanda qəbul olunan islahatlar yerində sayır və Saakaşvili bundan istifadə edərək ölkəsində inqilabi şəraitin yaradılması üçün var gücüylə çalışa bilər. Doğrudur, onu həm Ukraynada, həm də Gürcüstanda həbs gözləyir. Ona görə də Saakaşvili ölkəsinə yalnız inqilab dalğasında qayıda bilər. Ancaq Gürcüstanda inqilab üçün zəmin varmı və gürcülərə nə dərəcədə yeni inqilab xoşbəxt gələcək vəd edir – bu suallar açıq qalır. Məsələ burasındadır ki, inqilabların əksəriyyətinin həmin dövlətləri sonradan hansı vəziyyətə gətirdiyi gözümüzün önündədir”.
Tarix
2017.08.16 / 16:13
|
Müəllif
Firuzə Vahidqızı
|