Son zamanlar Ermənistan ordusunda ölüm hallarının artması daha çox psixi xəstəliklərdən qaynaqlanır.

Bu sözləri Axar.az-a açıqlamasında politoloq Fikrət Sadıqov deyib. Onun sözlərinə görə, bu cür vəziyyət ermənilərin daha çox intihara meyillənməsinə səbəb olur:

“Erməni hərbçilər uzun müddət başqa dövlətin ərazisində fəaliyyət göstərəndə, döyüşəndə əlbəttə ki, onlarda psixoloji dəyişliklər baş verir. Erməni tərəfində hökm sürən vəziyyətin həqiqətən də acınacaqlı olması ermənilərin daha çox intihara meyillənməsinə səbəb olur. Erməni əsgərlər başa düşürlər ki, Azərbaycan torpaqlarında uzun müddət qalmaları tamamilə mənasızdır. Düzdür, hakimiyyətdə olan hərbi xunta ordudakı intihar, cinayət xarakterli ölüm hallarını gizlədir. Ancaq Ermənistan ordusunda neqativ halların artması cinayətkar Sərksiyan rejimini çox çətin vəziyyətdə qoyacaq”.