Rusiya Abxaziyanı Ermənistandan daha tez Avrasiya İttifaqına qəbul edəcək.

Axar.az xəbər verir ki, bu iddianı Ermənistan mətbuatı siyasi təhlilçilərə istinadla gündəmə gətirib. Mətbuat Rusiyanın separat rejimlər hesabına təşkilatı genişləndirməyə çalışacağını bildirib:

"Hazırda Rusiyanın qarşısında bir neçə məqsəd var. Bunlardan biri Gürcüstan ərazilərindəki separat rejimləri Avrasiya İttifaqının tərkibinə qəbul etməkdir. Daha bir məqam isə hər iki ərazinin ən azından Lukaşenko və Nazarbayev tərəfindən tanınmasına nail olmaqdır. Çox güman ki, bu yolu Qarabağ və Dnesteryanı da gedə bilər. Amma Putin hələlik Əliyevin verəcəyi cavabı gözləyir. Onsuz da Rusiya bütün ümidini Azərbaycan və Abxaziyaya dikib. Hələlik Putinin qurmaq istədiyi təşkilat tam formalaşmayıb. Görünür, qurmazdan əvvəl də ölümə məhkum edilib".