Ana səhifə Gündəm |
Rusiyadan Ukraynaya keçən separatçılar maşınları ilə birlikdə qırıcılar tərəfindən məhv ediləcək.
Axar.az xəbər verir ki, bu barədə Ukrayna daxili işlər nazirinin müşaviri Anton Qeraşenko "Dojd" kanalına verdiyi müsahibəsində deyib.
Qeraşenko bildirib ki, silahlı separatçılar Rusiya sərhədini rahat şəkildə keçir və rus sərhədçiləri onların saxlanılması istiqamətində heç bir iş görmürlər.
"Rusiya Federal Təhlükəsizlik Xidməti onları saxlamır. Buna nə ad vermək olar? Mən hesab edirəm ki, Rusiya terrorizmin sponsorudur. Hər şeyi öz adı ilə çağırmaq lazımdır", - deyə Qeraşenko bildirib.
O, bildirib ki, Ukrayna öz dövlət sərhədlərinin gücləndirilməsilə məşğuldur: "Biz Rusiyanı özümüzə qardaş hesab edərək 23 il yaşamışıq. Ölkəmizə qan və nifrət toxumu əkmək istəyən terrorçuların göndəriləcəyini gözləmirdik. Bildirmək istəyirəm ki, əgər onlar Ukrayna sərhədlərini keçsələr, maşınları ilə birlikdə məhv ediləcəklər".
Tarix
2014.06.05 / 10:51
|
Müəllif
Anar Əhmədov
|