Ana səhifə Gündəm |
Sosial şəbəkələrdə yayılmış məlumatlarda Suriyada döyüşən və Azərbaycandan olan vəhabilər şəxsiyyətlərini təsdiq edən sənədləri kütləvi şəkildə cırıblar və bunu Yəhya əl-Azəri adlı şəxsin profilində nümayiş etdiriblər. Məlumatı sosial şəbəkəyə istinadla Jam.az saytı yayımlayıb.
Cırılmış şəxsiyyət vəsiqələri və pasportların altında şərh də
yazılıb: "Allaha həmd olsun. Tağutun safını təsdiqləyən sənədləri
belə cırdıq".
Xatırladaq ki, Yəhya əl-Azəri adlı şəxsin Suriyada döyüşən
azərbaycanlı vəhabilərin komandiri olduğu bildirilir. Onun bir neçə
dəfə ölüm xəbəri yayılsa da, yalan çıxıb. Ehtimal edilirdi ki, ölüm
şayiəsini yaymaqla vəhabilər Yəhya əl-Azərini qorumaq məqsədi
güdüblər.
Lakin bir müddət öncə onun həqiqətən döyüşlərin birində öldüyü
foto və videolarla təsdiqləndi. Hazırda isə onun profilini həyat
yoldaşının istifadə etdiyi ehtimal olunur. Çünki yazılan
statusların bir çoxunda "ərim öldükdən sonra" sözlərinə rast
gəlinir.
Vəhabilərin bu hərəkəti Azərbaycana təhdid kimi dəyərləndirilir.
Xatırladaq ki, vəhabilər şiələrin canını, malını və namusunu
özlərinə halal sayır. Azərbaycan əhalisinin böyük əksəriyyəti isə
şiələrdən ibarətdir.
Tarix
2014.06.09 / 00:49
|
Müəllif
Axar.az
|