Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
22 Fevral 2018


MN “Naxçıvan hücumu”na aydınlıq gətirdi – Rəsmi

Ana səhifə Gündəm
12 Punto 14 Punto 16 Punto 18 Punto

"Ermənistan tərəfi həmişə olduğu kimi, öz bəd əməllərini gizlətmək məqsədilə yenə də beynəlxalq təşkilatlara guya ki, zərərçəkmiş qismində müraciət edir".

Bu sözlər Axar.az-ın Müdafiə Nazirliyinin Mətbuat Xidmətinə Ermənistanın son günlər Naxçıvan istiqamətində fəallıq göstərməsilə əlaqədar göndərdiyi sorğuya verilən cavabda yer alıb:

"Ermənistanın Müdafiə nazirinin ATƏT-in fəaliyyətdə olan sədrinin şəxsi nümayəndəsi səfir Anjey Kasprşiklə görüşündə onun səlahiyyətləri çərçivəsində qoşunların təmas xəttində yaranmış gərginliyin azaldılması istiqamətində əməli addımların atılmasını xahiş etməsi, əks təqdirdə isə Azərbaycan tərəfi üçün ağır nəticələrin baş verə biləcəyi fikrini söyləməsi Azərbaycanın Müdafiə Nazirliyi tərəfindən nə məntiqi baxımdan anlaşılan, nə də qəbul ediləndir. Ermənistan tərəfi həmişə olduğu kimi, öz bəd əməllərini gizlətmək məqsədilə yenə də beynəlxalq təşkilatlara guya ki, zərərçəkmiş qismində müraciət edir".

Mətbuat Xidməti Azərbaycan Ordusunun mənəvi-psixoloji hazırlığının yüksək səviyyədə olduğunu qeyd edib:

"Amma həqiqət bəllidir ki, məhz erməni tərəfi ərazilərimizi işğal altında saxlayır, daim atəşkəs rejimini pozur, müdafiənin ön xəttində yerləşən mövqelərimizdəki postlara kəşfiyyat-təxribat basqınları etməyə cəhd göstərir, hərbi qulluqçularımızı, dinc sakinləri atəşə tutur, hərbi baxımdan heç bir əhəmiyyət kəsb etməyən mülki obyektlərə, kənd təsərrüfatı sahələrinə zərər yetirir. O ki qaldı növbəti erməni hədəsinə, ordumuzun döyüş ruhu, hazırlığı düşmənə cavab verməyə, ona qalib gəlməyə və işğal olunmuş torpaqlardan birdəfəlik çıxartmağa yetərlidir. Əsgərlərimizin mənəvi-psixioloji durumu, ruh yüksəkliyi, vətənpərvərliyi də ən yüksək səviyyədədir. Silahlı Qüvvələrimizin şəxsi heyəti istənilən döyüş tapşırığını yerinə yetirməyə hazırdır, qadirdir və bunun üçün bütün müasir hərbi-texniki imkanlara malikdir".

Nazirlik Ermənistan tərəfinin iyunun 5-də Azərbaycan Ordusunun bir neçə əsgərini öldürməsi haqqında yaydığı informasiyanın heç bir əsası olmadığını da vurğulayıb:

"Müdafiə Nazirliyi rəsmi olaraq bildirir ki, yayılan məlumatların heç bir əsası yoxdur və yalandır. Hazırda bu istiqamətdə vəziyyət sabitdir və əməliyyat şəraiti Silahlı Qüvvələrimizin tam nəzarəti altındadır".

Qeyd edək ki, dünən Ermənistan mətbuatı iyunun 5-də Naxçıvan hücumu zamanı atəşkəsin məhz onlar tərəfindən pozulduğunu yazmışdı. Erməni mətbuatı Azərbaycan snayperlərindən ibarət maşına 400 güllə atdıqlarını və nəticədə bir neçə nəfərin öldüyünü bildirmişdilər.

Onu da xatırladaq ki, iyunun 5-də iki erməni muzdlu əsgəri Azərbaycan snayperinin gülləsinə tuş gəlmişdi. Bundan üç gün öncə isə Silahlı Qüvvələrimizin əsgəri Zaur Həsənov Naxçıvan istiqamətində şəhid olmuşdu.

Tarix
2014.06.11 / 14:59
Müəllif
İlkin Həsənov
Şərhlər
Digər xəbərlər

Rus senator: İraqda yetim qalan 15 azərbaycanlı uşaq...

Bakının 9 rayonunda bu binalarla bağlı tələb dəyişdi

Ziyafət Əsgərov seçkilərlə bağlı Piterə getdi - Foto

Bu ölkə deputatlarından Qarabağla bağlı - Bəyanat

Modellərin rəqabəti: xilas yolu görünmür - Foto

Prezident ona “Şöhrət” ordeni verdi

Türkiyədən Gürcüstana şad xəbər: Kvota ləğv edildi

Prezident onların müavinətini artırdı

Bu ölkə ilə təbliğatımız barədə memorandum imzalandı

Azərbaycan bu Afrika ölkəsi ilə əlaqələri gücləndirir

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla