Marneuli tarixində ilk dəfə olaraq qadın namizəd mer vəzifəsi uğrunda mübarizə aparacaq.

Axar.az Marneulifm.gec.az saytına istinadən xəbər verir ki, “Quruculuq Hərəkatı” Leyla Məmmədovanın namizədliyini irəli sürüb.

Bu barədə danışan xanım namizəd məlumatı təsdiqləyib, lakin geniş şərh verməkdən imtina edib. Bununla belə qeyd edib ki, rəsmi təqdimatdan sonra bu barədə danışacaq. Onun namizədliyini “Quruculuq Hərəkatı”nın təsisçilərindən biri Kamil Əliyev də təsdiqləyib.

Kamil Əliyev onu da bildirib ki, rəsmi təqdimat 22 sentyabr tarixində saat 12-də "Ataholdinq" parkında liderlərin iştirakı ilə baş tutacaq.

“Quruculuq Hərəkatı” Respublikaçılar Partiyasının keçmiş lideri və parlamentin keçmiş sədri Davit Usupaşvili tərəfindən yeni təsis olunub.