Ana səhifə Gündəm |
Ermənistanın etik qaydalardan uzaq olan son hərəkətləri özlüyündə danışıqların pozulması deməkdir.
Bu sözləri Axar.az-a açıqlamasında keçmiş diplomat, politoloq Fikrət Sadıqov deyib. Politoloq hesab edir ki, Azərbaycan cəbhədə atəşkəsi pozan ermənilərə növbəti dəfə ciddi dərs verəcək:
“Ermənistanın etik qaydalardan uzaq olan son hərəkətləri özlüyündə danışıqların pozulması deməkdir. Görünür, ermənilər Rusiyanın Ermənistana 100 milyon dollarlıq hərbi kredit ayırmasından sonra ruhlanıb və buna görə də son günlər cəbhədə aktivlik nümayiş etdirirlər. İrəvan Azərbaycana qarşı gərginliyi bu şəkildə davam etdirəcəyini düşünürsə, yanılır. Hesab edirəm ki, Azərbaycan diplomatik danışıqların aparılmasından imtina etməyərək onlara nəinki hər dəfə cavab verməli, hətta ən üst səviyyədə həddini bildirməlidir. Azərbaycan Ermənistana öz gücünü açıq şəkildə nümayiş etdirməlidir ki, Bakının oyun oynamadığını başa düşsünlər”.
Tarix
2017.10.23 / 14:42
|
Müəllif
Aygün Yusibova
|