Bakı-Astara-Bakı qatarından qaçan məhbuslara yardım etmək ittihamı ilə həbs edilən müğənni Fədayə Laçın həbsöncəsi sosial şəbəkədə qəribə fikirlər paylaşıb.

Axar.az xəbər verir ki, onun oktyabrın 26-da paylaşdığı “Səni zindanda görən ağlasın”, "Allahım, uzaq və müşgül səfərdə olanların yolunu özün aç, Ya Rəbbim. Sənin məsləhətinə şükürlər olsun", "Allahım, özün kömək ol, Ya Rəbbim" sözləri diqqət çəkib.

Sözügedən statusların məhz ittihamla bağlı olduğu düşünülür.

Qeyd edək ki, Məmmədova Fədayə Baris qızı (Fədayə Laçın) oktyabrın 23-də Bakı-Astara-Bakı qatarından qaçan məhbuslara yardım etməkdə təqsirləndirilib və Nəsimi Rayon Məhkəməsinin qərarı ilə bu gün həbs edilib.