Son məlumatlara görə, vizasız gediş-gəlişdən istifadə edən gürcülərin 10 mini Avropada yoxa çıxıb, başqa sözlə, geri qayıtmaq istəməyib.

Axar.az xəbər verir ki, bu sözləri politoloq Elxan Şahinoğlu qeyd edib. Onun sözlərinə görə, Brüssel artıq bu səbəbdən Gürcüstana vizasız gediş-gəliş sazişinə korrektələr haqqında düşünür:

“Avropa Birliyi Gürcüstanla vizasız gediş-gəlişə razılıq verdikdən sonra gürcülər çox sevindilər. Bunun üçün əsas var idi. Gürcü turistlər və ya iş adamları səfirliklərdə növbələrdə dayanmadan, müxtəlif sənədlər hazırlamadan Avropa ölkələrində 90 gün qala bilərdilər. Ancaq sən demə, heç də gürcülərin tamamı 90 günlə kifayətlənmək istəməyib. Son məlumatlara görə, vizasız gediş-gəlişdən istifadə edən gürcülərin 10 mini Avropada yoxa çıxıb, başqa sözlə, geri qayıtmaq istəməyiblər”.