Bakıda davam edən ATƏT PA-nın 23-cü sessiyasında Siyasi məsələlər və təhlükəsizlik komitəsinin iclasında komitəyə seçkilər keçirilib.

Azərbaycanlı deputat Azay Quliyev yenidən komitəyə sədr müavini seçilib.

Komitə sədrliyinə seçkiləridə gün ərzində olacağı gözlənilir.

Qeyd edək ki, bu gün keçirilən sessiyada ATƏT-in Əfqanıstanda gələcəkdəki fəaliyyəti ilə bağlı qətnamə irəli sürülüb. Layihə Türkiyənin nümayəndəsi Emin Önəm tərəfindən irəli təklif edilib. Emin Önəm çıxışında bildirib ki, ATƏT-in Əfqanıstanda fəaliyyəti kifayət qədər mühüm əhəmiyyət kəsb edir.

"Əfqanıstanda stabilliyi ancaq və ancaq əfqan xalqı tərəfindən təmin edilməlidir. Biz Əfqanıstan hökumətinə dəstək verməliyik".

O, bildirib ki, beynəlxalq ictimaiyyət İraqda baş verənlərdən bir nəticə çıxarmalıdır.

Qətnamə səs çoxluğu ilə qəbul edilib.

ANS