Ana səhifə Gündəm |
Dekabrın 2-də Ermənistan prezidenti Serj Sarkisyan və “birləşmiş” qoşun qruplaşmasının komandanlığının rəhbərliyi ilə Ermənistan ordu bölmələri işğal altındakı Dağlıq Qarabağ ərazisində hərbi təlimlər keçirib. Düşmən tərəfin açıqlamasında göstərilir ki, birləşmiş qruplaşmanın təlimləri ilk dəfədir bu səviyyədə keçirilir.
Bu fikri Ermənistan silahlı qüvvələrinin Azərbaycanın işğal olunmuş ərazilərində qondarma “Dağlıq Qarabağ respublikası” ilə “birgə” keçirdiyi təlimlərə münasibət bildirən ehtiyatda olan polkovnik Əzizağa Qənizadə Azərtac-a bildirib.
Hərbi təlimlərin Ermənistan ordusunun acınacaqlı vəziyyətini ortaya çıxardığını vurğulayan hərbi ekspert deyib: “Bu, təlimlərdən daha çox, erməni hərbiçilərinin səyyar səhra mətbəxi qarşısında nahar düzülüşünə bənzəyir. Biz o vəziyyətə düşən hərbiçiləri başa düşürük. İşğalçı ordunun hərbiçiləri çox gözəl bilirlər ki, sülh danışıqları nəticə verməsə və Qarabağ uğrunda döyüşlər başlasa Ermənistan ordusu Azərbaycan Ordusu qarşısında bir gün də belə tab gətirə bilməyəcək. Məsələyə bu prizmadan yanaşsaq, təlimlər əslində Azərbaycan Ordusu ilə qarşıdurmada “Ermənistan ordusunun işğal olunmuş ərazilərdən təxliyə olunması” adı altında keçirilməli idi. Qarşı tərəf bunu nə qədər tez anlasa, onlar üçün o qədər yaxşı olar”.
Tarix
2017.12.04 / 18:27
|
Müəllif
Axar.az
|