Amerika Birləşmiş Ştatları Prezidentinin beynəlxalq hüquqa və BMT Təhlükəsizlik Şurasının qətnaməsinə zidd olan Qüds şəhərinin İsrailin paytaxtı kimi tanınması və ABŞ səfirliyinin bu şəhərə köçürülməsi ilə bağlı qərarı bizdə böyük narahatlıq yaradır.

Axar.az xəbər verir ki, bunu Azərbaycan Prezidenti İlham Əliyev dekabrın 13-də İstanbulda İslam Əməkdaşlıq Təşkilatının (İƏT) Qüds məsələsinə dair fövqəladə Zirvə toplantısında çıxışı zamanı deyib.

İlham Əliyev bu qərarın Fələstin-İsrail münaqişəsinin ədalətli və hərtərəfli nizama salınması işinə mənfi təsir edə və Yaxın Şərqdə təhlükəli fəsadlara gətirib çıxara biləcəyini deyib.

“Hesab edirik ki, Amerika Birləşmiş Ştatları bu qərara yenidən baxmalıdır”, - Azərbaycan Prezidenti qeyd edib.