Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
26 Aprel 2018


ABŞ Rusiyanın fəallaşmasına şərait yaradır - Politoloq

Ana səhifə Gündəm
12 Punto 14 Punto 16 Punto 18 Punto

Rusiya diplomatiyası ABŞ Dövlət Departamentinin Azərbaycanla bağlı xəbərdarlığından məharətlə istifadə etdi. Rusiya XİN-nin nümayəndəsi Mariya Zaxarova Azərbaycanı tərifləyərək, bu ölkənin təhlükəsiz və turistlər üçün münasib məkan olduğunu vurğuladı. Bu da amerikalıların axmaq siyasətinin nəticəsidir.

Axar.az xəbər verir ki, bu sözləri politoloq Elxan Şahinoğlu qeyd edib. O bildirib ki, Vaşinqton dostlarını sürətlə itirir:

"Yəni Azərbaycan ABŞ vətəndaşları üçün Ermənistan və Gürcüstandan daha təhlükəlidir? ABŞ-ın hansı vətəndaşı bu illərdə Azərbaycanda hansısa təhlükə ilə üzləşib? Neçə il öncə Amerika Respublika İnstitutunun rəhbəri Bakıdakı mənzilində öldürülmüşdü, ancaq bunun terrorla əlaqəsi yox idi, məişət zəminində baş verən cinayət idi. Başqa olay yadıma düşmür. Görünür, Amerikada hesab ediblər ki, Azərbaycan İranla qonşu olduğundan amerikalıların məmləkətimizə gəlməsi risklidir. Maraqlıdır bəs İranla isti münasibətləri olan Ermənistanın adı niyə siyahıda yoxdur? Bu cür yanaşma ilə Amerika dost saydığı ölkələri də özündən uzaqlaşdırır".

Politoloq bildirib ki, 2001-ci ilin sentyabrın 11-də terrorçular Amerikaya hücum etdilər, 3 min vətəndaş terrorun qurbanı oldu:

"Onda eyni məntiqlə Azərbaycan XİN açıqlama verib deməliydi ki, bu müddətdə Azərbaycan vətəndaşlarının Amerikaya səfərləri məqbul deyil? Belə bir açıqlama Vaşinqtonun xoşuna gələrdimi? Və ya Amerikanın böyük şəhərlərində elə küçələr var ki, ora turistlərin təhlükəsizliyinə zəmanət verilmir. Onda belə çıxır ki, turistlər Amerikaya getməməlidirlər? Nə isə bəzilərimiz Rusiyanın Cənubi Qafqazdakı təsir imkanlarının məhdudlaşdırılması məqsədilə okeanın o tayına boylanarkən, okeanın o tayı yarıtmaz siyasəti ilə Rusiyanın bölgədə fəallaşmasına şərait yaradır".

Qeyd edək ki, ABŞ Dövlət Departamenti amerikalı turistləri xarici ölkələrə səfər zamanı təhlükəsizlik riskləri haqqında məlumatlandırmaq üçün yeni sistem işə salıb. Azərbaycan amerkalı turistlərin təhlükəsizliyi baxımından risk olan dövlətlər arasında ikinci kateqoriya ölkələr siyahısına daxil edilib.

Yeni sistemdə dünya ölkələri səyahətin təhlükəsizliyi baxımından dörd kateqoriyaya bölünüb:

1-ci kateqoriya - adi ehtiyat tədbirləri kifayətdir;

2-ci kateqoriya - ölkəyə səfər zamanı son dərəcə ehtiyatlı olun;

3-cü kateqoriya - bu ölkəyə səyahət etməklə bağlı qərarınızı yenidən nəzərdən keçirin;

4-cü kateqoriya - bu ölkəyə səyahət etməyin.

Tarix
2018.01.13 / 09:08
Müəllif
Firuzə Vahidqızı
Şərhlər
Загрузка...
Digər xəbərlər

Sərkisyanın siyasi süqutunda Əliyevin rolu

Əliyev Ərdoğanla görüşdə Türkiyəyə bu mesajı verdi

Gül CHP-ni fakt qarşısında qoyur: Ərdoğana sürpriz?

Ərdoğana rəqib kim olacaq? – Analitik

Sərkisyanın tərcümeyi-halı: nələri saxtalaşdırıb? – Video

Sərkisyan Bakıya gətirilə bilərmi? - Video

AŞPA-da Şuşa ilə bağlı etiraz: Qəbul edildi

KİV azadlığı sahəsində son durum açıqlandı - Reytinq

Azərbaycan Türkiyədə ən böyük investora çevrilir - Ərdoğan

Bu anlaşma imzalanacaq - Prezident

KULT
<>
Xəbər xətti
 
Axar.az'da reklam Bağla
Reklam
Bize yazin Bağla