Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 May 2018


Sərkisyan ifşa edildi... - BMT-də

Ana səhifə Gündəm
12 Punto 14 Punto 16 Punto 18 Punto

BMT Baş Assambleyası və Təhlükəsizlik Şurasının rəsmi sənədi - Azərbaycan Respublikasının BMT yanında daimi nümayəndəsi Yaşar Əliyevin təşkilatın baş katibi Antonio Quterreşin adına məktubu dərc olunub.

Axar.az xəbər verir ki, məktubda Ermənistan prezidenti Serj Sərkisyanın 2018-ci il yanvarın 24-də Avropa Şurası Parlament Assambleyasının tribunasından səsləndirdiyi saxta fikirlər əsaslı şəkildə ifşa olunur. Azərbaycanın daimi nümayəndəsi qeyd edir ki, Ermənistan tarixi hadisələrin yalançı versiyaları və uydurma hüquqi dəlillərdən istifadə edərək, Azərbaycana və onun xalqına qarşı öz təcavüzkar siyasətini və törətdiyi cinayətləri ört-basdır etmək üçün bir daha beynəlxalq ictimaiyyəti çaşdırmağa çalışır.

Tarixi aspektlərə gəldikdə isə məktubda xatırladılır ki, ermənilərin Dağlıq Qarabağ regionuna və ümumilikdə Cənubi Qafqaza köçürülməsi XIX əsrdə - o zaman çarizmin mövcud demoqrafik vəziyyətin və ərazi strukturunun dəyişdirilməsinə yönəlmiş müstəmləkəçilik siyasəti çərçivəsində başlayıb. Qeyd olunur ki, 1978-ci ildə Azərbaycanın Dağlıq Qarabağ regionunda məskunlaşmanın 150-ci ildönümü münasibətilə ermənilər “Marağa-150” abidəsi ucaldıb. Lakin 1988-ci ildə, Ermənistanın Azərbaycana qarşı açıq şəkildə ərazi iddiaları irəli sürməsindən dərhal sonra onlar bu abidəni məhv ediblər.

Vurğulanır ki, zorla qəbul etdirilmiş demoqrafik dəyişikliklər regionda kütləvi qətliamlar və azərbaycanlı əhalinin deportasiyası ilə müşayiət olunan uzunmüddətli qeyri-sabitlik, gərginlik və münaqişələr üçün zəmin yaradıb. Məlumat verilir ki, 1905-ci və 1918-ci illərin hərbi əməliyyatları minlərlə insanın həyatına son qoyub, 31 mart tarixi isə 1918-ci ildə ermənilərin qətlə yetirdiyi minlərlə dinc insanın xatirəsinə ehtiram əlaməti olaraq Azərbaycanda Azərbaycanlıların Soyqırımı Günü kimi qeyd edilir.

Məktubda Ermənistan prezidentinin sovet dövründə guya Bakının Dağlıq Qarabağda erməni əhalisinin azaldılması istiqamətində məqsədyönlü siyasəti ilə bağlı söylədiklərinə də diqqət yönəldilir. Qeyd olunur ki, Ermənistanın özündə əhalinin sayının labüd olaraq azalması faktı üzərindən sükutla keçilir. Belə ki, Ermənistan Milli Statistika Xidmətinin 2017-ci ilə dair hesabatına görə, Ermənistan əhalisinin sayı 1993-cü ildəki 3 514 900 nəfərdən 2017-ci ildə 2 986 100 nəfərədək azalıb.

Erməni tərəfinin Sumqayıt hadisələri haqqında növbəti iftirasına cavab olaraq qeyd edilir ki, Azərbaycanın müxtəlif yerlərində etnik zəmində baş vermiş iğtişaşlar Ermənistanın qeyri-qanuni qəsbkarlıq cəhdlərinin və bu cəhdlərin zorakı yollarla həyata keçirilməsinin ört-basdır edilməsi məqsədilə erməni ideoloqları və ekstremist təşkilatları tərəfindən planlaşdırılıb və həyata keçirilib. Xatırladılır ki, Sumqayıtda iğtişaşlar zamanı zorakılıq aktlarının əsas təşkilatçısı və iştirakçısı törətdiyi cinayətlərə görə uzunmüddətli azadlıqdan məhrumetmə cəzasına məhkum olunmuş erməni Eduard Qriqoryan olub.

Məktubda Serj Sərkisyanın əvvəllər verdiyi müsahibədə Xocalı soyqırımı haqqında sözləri də misal gətirilir. Bu sözlər öz-özlüyündə erməni tərəfinin bu şəhərdə və Azərbaycanın digər işğal olunmuş ərazilərində törətdiyi cinayətlərin məsuliyyətini hər hansı şəkildə inkar etməsi ehtimalını istisna edir.

Həmçinin 2016-cı ilin aprelində cəbhə xəttində baş verənlər haqqında erməni versiyası tam təkzib olunur: “Əsl həqiqətdə, o zaman baş verənlər ermənilərin Azərbaycana qarşı güc vasitələrindən istifadə edilməsi və onun ərazilərinin işğalı siyasətinin birbaşa nəticəsi və davamıdır”, - deyə məktubda qeyd olunur.

Bundan başqa, erməni tərəfinin insan haqları və öz müqəddəratını təyinetmə mövzularında spekulyasiyaları da qətiyyətlə rədd edilir. Xatırladılır ki, beynəlxalq ictimaiyyət dəfələrlə Ermənistan rəhbərliyinin Azərbaycana və başqa qonşu dövlətlərə qarşı mənfur irqi üstünlük, etnik və dini ziddiyyət və nifrət ideyalarının açıq təbliğatı, Ermənistanda hökm sürən dözümsüzlük və aparılan diskriminasiya siyasəti və praktikası ilə bağlı hiddətini ifadə edib.

Həmçinin vurğulanır ki, Ermənistan xalqların öz müqəddəratını təyin etməsi hüququ prinsiplərini təhrif olunmuş və yanlış şəkildə yozur. Əslində Yerevanın siyasəti BMT-nin Nizamnaməsində, 1975-ci il Helsinki Yekun Aktında və digər beynəlxalq sənədlərdə təsbit olunmuş öz müqəddəratını təyinetmə hüququ ilə heç cür bir araya sığmır. Ermənistanın “öz müqəddəratını təyin etmək hüququnun həyata keçirilməsi” adlandırdığı hərəkətlər BMT Təhlükəsizlik Şurası və digər nüfuzlu beynəlxalq təşkilatlar tərəfindən birmənalı olaraq qanunsuz güc tətbiqi və digər ciddi cinayətlər törədilməsi kimi qiymətləndirilib.

Sonda qeyd edilir ki, BMT Təhlükəsizlik Şurasının 1993-cü ildə qəbul etdiyi 822, 853, 874 və 884 nömrəli qətnamələrinə uyğun olaraq aparılan hazırkı sülh prosesinin əsas məqsədi erməni silahlı qüvvələrinin Azərbaycanın Dağlıq Qarabağ regionu və digər işğal olunmuş ərazilərindən dərhal, tamamilə və qeyd-şərtsiz çıxarılmasının təmin edilməsi və zorla köçürülmüş əhalinin öz torpaqlarına qaytarılması hüququnun təmin olunmasıdır.

Tarix
2018.02.13 / 23:45
Müəllif
Pərviz Həsənov
Şərhlər
Загрузка...
Digər xəbərlər

Doyl qəhrəmanının iti kimi Paris küçələrində…

İrəvan niyə məhz Naxçıvan istiqamətində təxribat törətdi?

MN-dən İrəvana cavab: Təxribatı ört-basdır etmək üçün...

Şəhid verdiyimiz təxribatla bağlı İrəvanın – Gülünc açıqlaması

Hacıyevin etirazına Zaxarovanın əxlaqına uyğun – Cavabı

Moskvadan Bakıya “təsadüfi görüş” cavabının – Məqsədi

Prezidentin əks-hücum bəyanatı hədəfə dəydi: İrəvan təşvişdə

Paşinyanın vədləri: hədəfə hansı pullarla çatacaq? - Ekspert

Türkiyədə 1919 metrlik bayraq heyrət doğurdu - Foto

Telman İsmayılov hücuma keçdi

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla