Ana səhifə Gündəm |
Fevralın 21-də Azərbaycanın Çexiyadakı səfirliyi ilə Avropa-Azərbaycan Ticarət Palatası arasında əməkdaşlıq memorandumu imzalanıb.
Bu barədə Axar.az-a səfirlikdən məlumat verilib.
Memorandum Azərbaycan-Çexiya ticari-iqtisadi münasibətlərinin inkişafına, hər iki ölkənin işgüzar dairələri arasında təmasların təşviqinə, eləcə də Çexiyada Azərbaycanın təbliğinə xidmət edəcək.
Səfirlik ilə Avropa-Azərbaycan Ticarət Palatası (Çexiya) arasında indiyə qədər uğurlu əməkdaşlıq davam edir. Belə ki, əməkdaşlığın nəticəsi olaraq, Gəncə avtomobil zavodu ilə Çexiyanın “Tatra” şirkəti arasında Azərbaycanda bu şirkətə məxsus yük maşınlarının istehsalı barədə əməkdaşlığa dair memorandum imzalanıb. Əməkdaşlığın davamı olaraq, Avropa-Azərbaycan Ticarət Palatası (Çexiya) ilə səfirlik arasında cari il ərzində ölkəmizlə bağlı müxtəlif tədbirlərin keçirilməsi planlaşdırılıb.
Tarix
2018.02.21 / 20:48
|
Müəllif
Axar.az
|